بیرلشگن ملتلر تشکیلاتی نینگ عمومی مجمعی بیر قطع‌نامه نی تصویب قیلگن که بو قطع‌نامه اساسیده، مذکور تشکیلات گه افغانستان چوکی‌سی اسلامی امارت حکومتی تامانیدن تانیشتیریلگن نماینده گه بیریلشی نی تعویق ایتیلیشی، تصدیق‌لنگن.
مذکور قطع‌نامه اوتگن کون (دوشنبه ۱۵- قوس) بیرلشگن ملتلر تشکیلاتی نینگ عمومی جلسه‌سیده، اجماع اساسیده تصویب بولگن.
بیرلشگن ملتلر تشکیلاتی نینگ قطع‌نامه‌سی اساسیده که اونینگ ۱۹۳ اعضاسی بار، بیرلشگن ملتلر تشکیلاتی ده افغانستان سابق حکومت نماینده‌سی غلام‌محمد اسحاق‌زی ایش گه دوام بیره‌دی.
مذکور قطع‌نامه نینگ مسوده‌سی اوتگن هفته بیرلشگن ملتلر تشکیلاتی نینگ اعتبار بیریش کمیته‌سی آرقه‌لی بو تشکیلات نینگ عمومی مجمع‌سیده ارایه ایتیلگن.
بیزلرنینگ فیسبوک صحیفه‌میزگه باش اورینگ!
اسلامی امارت حکومتی قطرده اسلامی امارت سیاسی دفتری سوزلاوچیسی سهیل شاهین نینگ مذکور تشکیلات گه نماینده صفتیده تانیشتیرگن ایدی.
او افغانستان چوکی‌سی اسلامی امارت گه بیریلیشی توغریسیده بیرلشگن ملتلر تشکیلاتی نینگ قراری نی ناعادلانه دیب و ایتیشیچه، افغانستان اهالیسی نینگ مشروع حقی اولردن آلینگن.
بیرلشگن ملتلر تشکیلاتی ده افغانستان چوکی‌سی نینگ اسلامی امارت تامانیدن تانیشتیریلگن نماینده سهیل شاهین گه بیریلیشی، اسلامی امارت نینگ رسمیت گه تانیش اوچون بیر اقدام حسابلنه‌دی.