کابل و قوشنی ولایتلر قطاریده اسلامی امارت کوچلری آرقلی یولگه قویلگن تازه‌لش عملیاتی (اوی‌مه اوی تیکشیریش) گه قرشی عکس‌العمللر دوامیده، شونینگدیک خلق ارا کیچیریم تشکیلاتی مذکور عملیات نی انسان حقوقی گه قرشی دیب و تیزلیکده توخته‌تیلیشی نی سوره‌گن.
مذکور تشکیلات بوگون توییتر صحیفه‌سیده یازیشیچه، اسلامی امارت کوچلری اوی‌لرگه باریش بیلن، اهالی‌لر نینگ شخصی حریم‌لری گه حرمت قایل بولمه‌ی، شخصی نرسه‌لر نی بوزیب و دهشت نینگ ایجاد قیلیشی گه سبب بولگنلر.
بیزلرنینگ فیسبوک صحیفه‌میزگه باش اورینگ!
خلق‌ارا کیچیریم تشکیلاتی گه کوره، کابل بوییچه مذکور کینگ تیکشیریشلر، عیاللر و قیزلر نینگ کوپ تاثیر آستیده قرار بیرگن. اوشبو تشکیلات نینگ کوپه‌یتیریشیچه، اوی‌مه اوی تیکشیریشلر ایرککلر آرقلی و یشاوچیلر نینگ آگاه‌لنتیرمسدن آلدین انجام بیریله‌دی.
خلق‌ارا کیچیریم تشکیلات نینگ ایتیشیچه، مذکور عملیات انسان حقوقی گه قرشی دیر. اوی‌مه اوی تیکشیریشلر اوتگن جمعه کونیدن بویان کابل و قونشی ولایتلردن قطاریده باشلنگن.
بیزلرنینگ توییترده هم تعقیب قیلینگ!
کابل یشاوچیلریدن قطاری اسلامی امارت کوچلری آرقلی اوی‌مه اوی تیکشیریشلردن شکایت قیلیب و ایتیش‌لریچه، اوشبو عملیات نینگ یولگه قویلگنی اهالی اینیقسه عیاللر و باله‌لر آره‌سیده دهشت گه سبب بولگن. بیراق اسلامی امارت مسئوللری نینگ ایتیش‌لریچه، اوشبو عملیات یشاوچیلر نینگ امنیتی نی تامین‌لش اوچون یولگه قوییلیب و احتیاط‌لی بیر شکلده انجام بیریلماقده دیر.
اسلامی امارت سوزلاوچیسی ذبیح‌الله مجاهد نینگ ایتیشیچه، مذکور عملیات عیال پولیس و مسجد خطیب‌لری و کلانترلر نینگ حضوری بیلن صورت تاپه‌دی. بوندن آلدین اروپا بیرلشمه‌سی و شونینگدیک آلمان و بریتانیا مملکتلری نینگ ایچی‌لری اوشبو عملیات نینگ توخته‌تیلیشی نی ایسته‌گن ایدیلر.