اسلامی امارت رسمی‌لری سفری معافیتی یکونی بوگون (دوشنبه، ۲۰ جون) یکونلندی. آمریکا قوشمه ایالت‌لری نینگ سابق جمهور باشلیغی دونالد ترامپ دولتی، میلادی ۲۰۱۹_ییل ده اسلامی امارت رسمی‌لریدن بیرقطاری نینگ صلح مذاکره‌لریده اشتراک ایتیش سفری گه یره‌تیلگن تحریم‌لرنی کوتاردی.
اوشبو معافیت ده ۴۱ اسلامی امارت ییریک اعضاسیدن یالغیز ۱۴ ته‌سیگه، آمریکا و افغانستان سابق دولتی بیلن صلح مذاکره‌لری جریانیده اشتراک ایتیش حقی بیریلگن ایدی. شو بیلن بیرگه، بشر حقوقی دیدبانی خاتین قیزلر بولیمی مدیری نینگ اورین باسری هیدر بار نینگ سلام‌وطندار گه ایتیشیچه، اسلامی امارت رسمی‌لری نینگ سفری گه یره‌تیلگن چیکلاو معافیتی تمدید بولمسلیگی کیره‌ک.
بیزلرنینگ فیسبوک صحیفه‌میزگه باش اورینگ!
بشر حقوقی دیدبانی خاتین قیزلر بولیمی مدیری نینگ اورین باسری گه کوره، بو معافیت صلح مذاکره‌لری اوچون ایدی و مذکور جریان نتیجه بیرمه‌دی و حاضر صلح جریانی یوق ایکن، اوشبو معافیت نی تمدید قیلیش اوچون بهانه یوق دیر.
باشقه تاماندن، سویدن سابق تشقی ایشلر وزیری مارگوت والستروم اوز توییتری ده یازیشیچه، افغانستان ده خاتین قیزلر تورلی خیل قیینچیلیکلر بیلن دوچ ایکن، اسلامی امارت رسمی‌لری نینگ سفری معافیتی، قید و شرط سیزلیک بیلن تمدید بولمسلیگی کیره‌ک.
بیراق اسلامی امارت سوزلاوچیسی اورین باسرلریدن بلال کریمی نینگ ایتیشیچه، اسلامی امارت رسمی‌لری سفری معافیتی تمدید ایتیلیشی خصوصیده قیینچیلیک تاپیلمسلیگیگه امیدوارلر. اونگه کوره، اسلامی امارت و باشقه مملکت‌لر آره‌سیده قیینچیلیک تاپیلگن تقدیرده، عاقبتی دنیا جماعه‌چیلیگی زمه‌سیگه دیر.
بیزلرنینگ توییترده هم تعقیب قیلینگ!
اسلامی امارت رهبرلری نینگ سفری معافیت موضوع‌سی چیت ایل ده ایریم واکنش‌لر گه روپه‌ره بولگن. پاکستان سیاستچیلریدن بولمیش افراسیاب ختک اوز توییتری ده یازیشیچه، اسلامی امارت افغانستان نی خاتین قیزلر اوچون بیر زندان گه اوزگرتیرگن، شونی اوچون اسلامی امارت گه هیچ بیر امتیاز بیریلمسلیگی لازم.
ایتیش کیره‌ک که، آمریکا رسمی‌لری اسلامی امارت رهبرلری نینگ سفری معافیتی تمدیدی گه عاید حاضرگه قدر هیچ نرسه دیمه‌گنلر. آمریکا میدیالری نینگ گزارش‌لری گه بناً اوشبو مملکت دولت کابینه‌سی، کیله‌سی کونلرده مذکور موضوع گه دایر ییغین اوتکزه‌دی.
