هرات ده سونگی کونلرده اولدیریش، آدم اوغیرلش و قوراللی اوغری‌لیکلر کوپه‌یشی، اوشبو ولایت یشاوچیلری نینگ خواطری گه سبب بولگن.
مذکور ولایت یشاوچیلریدن قطاری نینگ سلام‌وطندار گه ایتیشلریچه، اوغری‌لر و جنایتچیلر کوپراق ایرته‌لب و شام چاغی، آدم‌لرنی نشانگه آله‌دیلر.
هرات یشاوچیلریدن عبدالستار نینگ ایتیشیچه: «اوتگن بیر ییل ده جنایی جرملر کمه‌یگن ایدی، بیراق سونگی کونلرده اوغری‌لیکلر اوج آلیب و هرات یشاوچیلری نینگ تشویشینی آرتیرگن.»
بیزلرنینگ فیسبوک صحیفه‌میزگه باش اورینگ!
هرات یشاوچیلریدن باشقه بیری قدیر جویا گه کوره: «تأسف بیلن هرات شهری ده قوراللی اوغری‌لیکلر کوپه‌یگن، بیز هر کونی بو گَل واقعه گواهی‌میز و آدم‌لرنی نرسه‌سینی اوغیرلشه‌دی، خواطرلی دیر.»
هرات یشاوچیلریدن باشقه بیر قطاری، اوشبو ولایت نینگ خوفسیزلیک نهادلریدن شکایت قیلیب ایتیشلریچه، سونگی کونلرده هرات ولایتی بویلب جنایتچیلر و اوغری‌لرنی قولگه آلیش مقصدیده اونچه‌لیک دقت قیلمه‌یدیلر.
اولر، مسئوللردن بوتوغریده دقت قیلیش‌لرینی طلب قیله‌دی.
عین‌حالده، هرات معلومات و مدنیت باشلیغی نعیم‌الحق حقانی گه کوره، اسلامی امارت کوچلری امنیت و عمومی تینچلیکنی بوزیش اوچون هیچ کیمگه رخصت بیرمه‌ی و مجرم‌لر بیلن جدی یانده شه‌دیلر.
بیزلرنینگ توییترده هم تعقیب قیلینگ!
اونگه کوره: «هرات شهری یشاوچیلری یاردمی بیلن خوفسیزلیک اداره‌لر و یقین حوزه‌لر، آدم اوغری‌لر و جنایتچیلرنی قولگه آلیش اوچون سعی و حرکت قیلیش‌لریدن ایشانچ بیلدیره‌من، عمومی تینچلیکنی بوزیش گه هیچ کیمگه رخصت بیرمه‌یمیز.»
هرات خوفسیزلیک مسئوللری، عمومی تینچلیکنی بوزیشگه هیچ کیمگه رخصت بیریلمسلیگیدن عین‌حالده ایشانچ بیلدیرماقده‌لر که، ایکی هفته آلدین آدم اوغری‌لر مذکور ولایتده بیر صراف نینگ اوغلینی اوغیرلب و اونینگ تقدیری حاضرگچه بیللی ایمس.
