هرات ده ۱۸ میلیون افغانی ارزشی ده اوچ پروژه ایشی باشلنگن. هرات محلی مسئوللری نینگ ایتیشلریچه، اوچ سوو ییتکیزیش شبکه دن عبارت اوشبو پروژه‌لر ایشی اوتگن کون (سه‌شنبه، ۵ میزان) مذکور ولایت نینگ انجیل و گذره تومن‌لری «توبران، نوبادام و برغنک» قیشلاغ‌لریده باشلنگن.
بیزلرنینگ فیسبوک صحیفه‌میزگه باش اورینگ!
هرات قیشلاق‌لرنی رواجلنتیریش و قیته قوریش باشلیغی عبدالسلام هجرت نینگ سلام‌وطندار گه ایتیشیچه، مذکور سوو ییتکیزیش شبکه‌لر ۱۸ میلیون ۴۳۴ مینگ ۱۶۱ افغانی ارزشیده، بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف) نینگ مالی یاردمی بیلن قوریله‌دی.
جناب هجرت گه کوره، اوشبو پروژه‌لر فایده‌لنیشگه تاپشیریلیشی بیلن، ۲ مینگ دن آرتیق عایله ایچیملیک سوو بیلن تأمینلنه‌دی.
بیزلرنینگ توییترده هم تعقیب قیلینگ!
باشقه تاماندن، هرات یشاوچیلریدن قطاری، مذکور پروژه‌لر ایشی باشله‌نیشیدن خورسندلیک قیلیب ایتیشلریچه، اولر اوتمیش ده ایچیملیک سوو قیینچیلیگی بیلن روپه‌ره ایدیلر و بو پروژه‌لر فایده‌لنیشگه تاپشیریلیشی بیلن سوو قیینچیلیکلری حل ایتیله‌دی.
