هرات یشاوچیلریدن قطاری، اوشبو ولایت ده «قاره سریغلمه» (هپاتیت B) گه چلینگنلر سانی کوپه‌یشیدن خواطر بیلدیریب ایتیشلریچه، یشاوچیلر اوشبو کسل‌لیککه قرشی تیکین روشده واکسین بولمه‌یدیلر. اولر گه کوره، مسئوللر قاره سریغلمه گه قرشی کوره‌ش اوچون تیزلیک بیلن اقدام قیلمه‌گن تقدیرده، هرات یشاوچیلری کیله‌سی ییل‌لرده جدی قیینچیلیک بیلن روپه‌ره بولیش‌لری ممکن. هرات یشاوچیسی بسم‌الله حیدری نینگ ایتیشیچه: «قاره سریغلمه واکسینی، مهم واکسین‌لردن دیر. مسئوللر قیمتینی ارزان قیلیشی کیره‌ک یا که مملکت ده قاره سریغلمه کسل‌لیگینی بوتونلی یوق ایتیش اوچون یشاوچیلر گه تیکین روشده توزیع قیلیش‌لری لازم.»
هرات ده قاره سریغلمه کسل‌لیگیگه چلینگن‌لردن بیرقطاری نینگ ایتیشلریچه، اقتصادی قیینچیلیککه قوشیمچه قاره سریغلمه کسل‌لیگینی تیکشیریش و واکسینی قیمت‌لیگی باعث، اولر اوزلرینی دواله‌ی آلمه‌یدیلر.
بیزلرنینگ فیسبوک صحیفه‌میزگه باش اورینگ!
سکیز ییل دن بیری قاره سریغلمه گه چلینگن شکیلا گه کوره، هر آی دوالش خرجتی بیر مینگ افغانی بوله‌دی؛ بیراق اقتصادی قیینچیلیک باعث اوزینی دواله‌ی آلمه‌گن.
هرات ده اوشبو کسل‌لیککه چلینگن عیاللردن باشقه بیری نازنین نینگ ایتیشیچه: «اوتگن ییلی قاره سریغلمه گه قرشی ایملش اوچون مراجعت قیلدیم؛ بیراق تستی و واکسینی قیمت‌لیگی اوچون، تیکشیریب و واکسین قیله آلمه‌دیم، نیچه مدت اوتگچ اوشبو کسل‌لیککه چلیندیم.»
هرات ساغلیق‌نی سقلش ریاستی نینگ اورین باسری محمدآصف کبیر، مذکور ولایت ده قاره سریغلمه کسللیگی کوپه‌یشینی تصدیقلب سلام‌وطندار گه ایتیشیچه، اوتگن ایکی ییل دن آرتیق ده قریب ایکی مینگ ۷۱۴ کیشی اوشبو کسل‌لیککه چلینگن. او نینگ کوپه‌یتیریشیچه: «اوشبو کون‌لرده یشاوچیلر نینگ طبی امکانیت‌لردن فایده‌لنه آلمسلیگی باعث تومن‌لرده کوپه‌یگن، یشاوچیلر کوپراق ساغلیک مرکزلر گه مراجعت قیله‌دی و بو کسل‌لیک کوپه‌یشنی کورسته‌دی.»
بیزلرنینگ توییترده هم تعقیب قیلینگ!
هرات ساغلیق‌نی سقلش ریاستی اورین باسری گه کوره، اوتمیش ده قاره سریغلمه واکسینی تیکین روشده توزیع بولر ایدی؛ بیراق هرات یشاوچیلری تامانیدن جدی آلینمر ایدی. اونگه کوره، حاضر باله‌لر اوشبو کسل‌لیککه چلینمسلیک‌لری اوچون اولرنی واکسین قیلیش مقصدیده سعی‌وحرکت قیلماقده‌لر.
قاره سریغلمه، یوقوملی کسل‌لیک بولیب طبی قاعده‌لر رعایت ایتیلمسلیگی باعث، قان و جنسی رابطه آرقه‌لی ساغ کیشی گه انتقال تاپه‌دی، کبد التهاب بولیشی مهم بیلگی‌لریدن دیر.
