هرات امر بالمعروف و نهی عن‌المنکر ریاستی محتسب‌لری نینگ اصلاح و تربیت قیلیش مقصدیده تورت کون‌لیک سمینار یولگه قوییلدی. اوشبو تورت کون‌لیک سمینار اوتگن هفته چهارشنبه کونی، ۱۵-قوس باشلنگندی و شنبه کونی، ۱۸-قوس یکونلندی.
بیزلرنینگ فیسبوک صحیفه‌میزگه باش اورینگ!
مذکور سمینار ده، هرات شهری و تومن‌لریدن ۲۰۵ محتسب اشتراک ایتگن ایدی و بو سمینار یولگه قوییلیشیدن اساسی مقصد، محتسب‌لر نینگ اصلاح و تربیت قیلیش عنوان قیلینگن.
هرات امر بالمعروف و نهی عن‌المنکر باشلیغی عزیزالرحمان مهاجر گه کوره، اوشبو سمینار ده محتسب‌لر گه یشاوچیلر بیلن یخشی یانده‌شیش حقیده معلومات بیریلگن.
محتسب‌لر، بو کبی سمینارلر یولگه قوییلیشیدن خورسندلیک قیلیب ایتیشلریچه، یخشی مناسبت بیلن دعوت و تبلیغ قیلیش اوچون تلاش قیله‌دیلر.
بیزلرنینگ «ایکس» ترماغی ده هم تعقیب قیلینگ!
مملکت نینگ قطار ولایت‌لریده محتسب‌لر نینگ ظرفیتینی آشیریش سمینارلر یولگه قوییلگن بیرحالده، هرات ده محتسب‌لر نینگ اصلاح و تربیت قیلیش سمیناری یولگه قوییلگن.
