هلمند ده رستورانت ایگه‌لری اوشبو ولایت ده قیمت نینگ یوقاری کیتگنی خصوصیده خواطر بیلدیریب و ایتیش‌لریچه، قیمت‌لر نینگ یوقاری کیتگنی باعث، ایشلری نینگ توخته‌تیش گه مجبور بولگنلر.
اوشبو ولایت ده ییل‌لردن بیری چیپس و برگر ساتووچی آغا‌ولی خان افغان نینگ ایتیشیچه، اوتمیش‌ده اوشبو کیچیک رستورانتی آرقه‌لی عایله خره‌جتی نی تمویل قیله‌ر ایکن؛ بیراق حاضر ایسه قیمت‌لیک و اهالی اقتصادی نینگ ضعیف‌لنگنی باعث، دکانی نی یاپیش گه مجبور بولگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «دکان‌دارلر آوازه‌لر نینگ ایشیتیش بیلن بوتون کهنه دستلبکی ماده‌لر بهاسی نی کوپه‌یتیردیلر و یالغیز بیر قوطی یاغ ۳ الی ۴ یوز افغانی کوپه‌یگن.»
فعالیت‌لری نی توختمه‌گن رستورانت ایگه‌لریدن بیری عزیز احمد نینگ ایتیشیچه: «اوتمیش‌ده بیر خوراک ییمک‌دن ۲۰ افغانی فایده قیله‌ر ایدیک، بیراق حاضر ایسه ۳ الی ۵ افغانی فایده قیله‌میز. گوشت و دستلبکی ماده‌لر بهاسی نینگ یوقاری کیتگنی بیرحالده، بر قطار نرسه‌لر هزینه‌سی نی اوز کیسه‌میزدن بیریش گه مجبور بولدیک.»
شونینگدیک رستورانت ایگه‌لریدن باشقه بیری اسد‌الله امیری هم ایشلری خصوصیده‌گی قیین‌چیلیکلردن شکایت قیله‌دی. اولر گه کوره، قیمت‌لر یوقاری کیتگنی باعث، رستورانت کرایه‌سی و ایشلاوچیلری نینگ آیلیکلری نی توللش گه قادر ایمسلر.
شونده‌ی بیرحالده، هلمند بلدیه‌سی نینگ عامه رابطه‌لر مسئولی محمدطاهر آبشار، قیمت‌لر یوقاری کیتگنی نی قبول قیلیب و ایتیشیچه، اوشبو قیین‌چیلیک جهانی بیر قیین‌چیلیک دیر.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه، بلدیه هر ۱۵ کوندن کیین، دکان‌دارلر گه ینگی نرخنامه ارایه قیله‌دی و اوشبو نرخ‌نامه‌دن سرپیچی قیلگنلر بیلن، قانونی یول باریلیشی ممکن.
ایتیش کیره‌ک که، اسلامی امارت نینگ قدرت گه ایریشگنی بیلن، قیمت‌لر یوقاری کیتیب و مملکت‌ده ایش‌سیزلیک سانی کوپه‌یگن دیر که، اوشبو وضعیت دنیا تشکیلات‌لر و مملکت یشاوچیلر نینگ خواطرلری گه سبب بولگن.