آمریکالیک رسمیلر حربی کوچلری نینگ افغانستان دن چیقیشی نیچه آی کیچیکتیریلیشی توغریسیده بیانات بیرگن بیرحالده، طالبان آمریکالیک کوچلر بوتونلی افغانستان نی ترک قیلگونگه قدر تینچلیک خصوصیده بولگن هیچ بیر ییغین شرکت قیلمه‌سلیک‌لری حقیده آگاه‌لنتیرگن.
اسلامی حزب رهبری اوشبو بیانات گه عکس‌العمل کورسه‌تیب بوگون کابل ده ایتیشیچه، طالبان نینگ تینچلیک قیلیش و اوروش یکونله‌نیشی اوچون اراده‌سی بولگن بیرحالده، افغانستان‌لیکلرارا ییغین‌لرگه شرکت قیلیش‌لری کیره‌ک. او طالبان نی خطاب قرار بیریب ایتیشیچه، طالبان افغانستان‌لیکلرارا تینچلیک سوزلشوولری نی تحریم قیلگن صورتده، هیچ بیر فایده قولگه کیلتیرمه‌سلیککه علاوه، دنیا و افغانستان یشاوچی‌لری نینگ قرشی‌سیده قرار تاپیش‌لری ممکن.
جناب حکمتیار گه کوره، اوزی نی حق بیلگن بیر تامان، تینچلیک سوزلشوولریدن هیچ قچان اوزاق‌لشمه‌یدی.
جناب حکمتیار نینگ ایتیشیچه، طالبان دوحه کیلیشوونامه‌سی آمریکا تامانیدن نقض ایتیلگنی باعث، افغانستان یشاوچی‌لری بیلن سوزلشوولرنی تحریم قیلمه‌یش‌لری کیره‌ک. افغانستان تینچلیگی توغریسیده استانبول ییغینی حکومت، طالبان، منطقه و دنیا مملکت‌لری نینگ نماینده‌لرینی حضوری بیلن ۲۴- جاری آپریل آیی‌ده باشله‌نیب و ۴ می آیی گه قدر دوام تاپیشی گه قرار قیلینگن.