شمالی اتلانتیک تشکیلاتی یا ناتو گه اعضا دولت‌لر لیدرلری، بیر بیانه آرقه‌لی روسیه نینگ اوکراین گه هجومینی قاره‌له گن‌لر. اولر روسیه‌دن اوکراین گه حربی یوریشینی توخته‌تیب و برچه کوچلرینی اوشبو مملکت‌دن چیقریشینی طلب قیلگن‌لر.
بیانیه‌ده کیلیشیچه، مستقل، تینچ و دموکرات بیر مملکت گه ریجه‌لشتیریلگن بو گَل هجوم، وحشی‌لیک و مطلقا اساس‌سیز دیر. ناتو گه اعضا دولت‌لر رهبرلری، روسیه نینگ اوکراین گه فاجعه‌لی و انسانی تلفات و کتته ویرانگرچیلیک حرکتی‌دن تأسف بیلدیرگن‌لر.
بیانیه تأکیدلنیشیچه، اروپا قاره‌سیده صلح تالان بولگن و جهان روسیه و بلاروس نی بو حرکت‌لری اوچون جواب گرلیککه تارته‌دیلر. ناتو گه اعضا دولت‌لر دنیا بوتون مملکت‌لریدن، «نامعقول» اوشبو هجوم‌نی قید سیز محکوم قیلیش‌لرینی سوره‌گن.
بیزلرنینگ فیسبوک صحیفه‌میزگه باش اورینگ!
شونینگدیک بیانیه‌ده کیلیشیچه، اوروش بوتون مسئولیتی روسیه بوینیگه دیر و بو مملکت ناتو تامانیدن تکلیف قیلینگن مذاکره و دیپلوماسی یول‌‌نی، رد ایتگن.
بیانیه گه کوره: «بو مملکت بیرلشگن ملت‌لر تشکیلاتی نینگ تیزیمی شامل خلق‌ارا قانون قاعده‌لرنی ایاغ آستی قیلگن. جمهوررئیس پوتین نینگ اوکراین گه حربی هجوم قیلیش قراری کتته خطا دیر که روسیه سیاسی و اقتصادی ساحه‌لرده آغیر تاوان توللشی ممکن. روسیه گه مثل‌سیز و آغیر تحریم‌لر عملگه آشیریلگن. ناتو، منفعتدرا تامان‌لر و خلق‌ارا تشکیلات‌لر جمله‌دن اروپا اتفاقی بیلن یقین هماهنگ لیگیگه دوام بیره‌دی.»
ناتو گه اعضا دولت‌لر لیدرلری نینگ تأکید لشلریچه، اوکراین نینگ تنلنگن جمهو باشلیغی، دولت، پارلمان و اهالی‌سینی قوللب قوتلب و قربانی‌لر، یره‌لر نینگ عایله اعضالری و آواره‌لر گه قیغوداشلیک بیلدیره‌دیلر. اولر گه کوره، اروپا نینگ برچه قانون-قاعده‌لری گه متعهدلر و اوکراین‌دن سیاسی و عملی حمایت‌لری گه دوام بیریب و باشقه‌لردن هم اوکراین‌دن حمایت ایتیش‌لرینی طلب قیلیشه‌دی.
بیزلرنینگ توییترده هم تعقیب قیلینگ!
بیانیه‌ده کیلیشیچه، روسیه نینگ اقدام لری بیلن، ناتو اوشبو تشکیلات نینگ قلمرولری اوچون دفاعی و توسیق بولیش وضعیت باره‌سیده ضروری چاره‌لرنی کوره‌دی و متحدلری واشنگتن شرطنامه‌سی ۴- ماده‌سی‌گه موافق مصلحت قیلیشه‌دی.
بیانیه‌ده کیلیشیچه: «بیز متحدلریمیزدن دفاع قیلیش و امنیت لرینی کفالت‌لش اوچون برچه اقدام و ضروری چاره‌لریمیز گه دوام بیره‌میز. بیز ناتو تشکیلاتی نینگ شرقی منطقه‌لریده دفاع، ییر و هوا کوچلریمیزنی ییرلشتیرگن میز. بیز ناتو نینگ دفاعی ریجه‌لرینی فعال و احتمالی واقعه‌لر و ناتو قلمروی امنیتی تأمین ایتیلیشی اوچون چاره تدبیر کورگن میز. حاضر ناتو قلمروی شرقی ساحه‌لریده ییترلیچه دفاعی کوچ ییرلشتیرماقده میز، حاضر و کیله‌جک ده ناتو قلمروی دن دفاع قیلیش اوچون ضروری اقدام‌لرنی بجره‌میز، اقدام‌لریمیز توسیق بولیش، آغیرلشتیرمه‌یدیگن و متناسب قالیشی ممکن.»
ناتو گه اعضا دولت‌لر رهبرلری نینگ کوپیتیریشیچه، متحدلریمیزدن دفاع قیلیش اوچون بیر-بیریمیزنی قوللب قوتله‌یمیز و «ایرکین‌لیک دایم ظلم گه غالب بوله‌دی» دیه تأکید ایتدیلر.
