«حیات‌نی قوتقریش ملی حرکتی» مسئوللری نینگ ایتیشلریچه، اوشبو جنبش افغانستان بویلب قان تاپشیره‌دیگنلر و قان گه نیازی بولگن کسل‌لر آره‌سیده هماهنگ‌لیک یره‌تیش مقصد، ۱۵ رضاکار ییگیت آرقه‌لی ایجاد بولگن.
اولر نینگ کوپه‌یتیریشلریچه، حیات‌نی قوتقریش ملی حرکتی قان گه نیازی بولگن کسل‌لر گه آز مدت و تیکین شکلده قان تامین‌لنیشی مقصد، واتسپ یولی آرقه‌لی ایجاد بولگن دیر.
بیزلرنینگ فیسبوک صحیفه‌میزگه باش اورینگ!
مذکور جنبش مسئوللریدن بیری قدرت‌الله ضیایی نینگ ایتیشیچه، حاضر ایسه افغانستان نینگ ۳۴ ولایتی‌ده قان تاپشیریش اوچون ۳۱ مینگ فعال اعضالری بار. اونینگ کوپه‌یتیریشیچه، کونده هر ولایت‌ده اورته شکلده قان گه نیازی بولگن کسل‌لر گه ۵۰۰۰ سی‌سی قان تامین‌لش امکانیتی گه ایگه‌لر.
ضیایی نینگ اورغولشیچه: «قان تاپشیره‌دیگن و قان گه نیازی بولگن کیشی‌لر آره‌سیده هماهنگ‌لیک اوچون وتسپ یولی آرقه‌لی ۳۴ ولایت‌ده ۳۱ مینگ اعضامیز بار. قان گه نیازی بولگن اهالی‌دن ایسته‌میز که وتسپی‌میز گه پیام قویسه که بو رقم بیزلر یانیمیزده ثبت بولگن کیشی‌لر نی معرفی قیله‌میز.»
قان گه نیاز تاپگن کابل شهری یشاوچیلریدن قسیم نینگ ایتیشیچه، بو جنبش بیلن هماهنگ‌لیک آرقه‌لی تورموش اورتاغی گه تیکین قان قولگه کیلتیرگن. «تورموش اورتاغیم اوچون قان گه نیازیم بار ایدی، حیات نی قوتقریش ملی جنبش نینگ وتسپ گروپی‌دن بیر کیشی کیلیب و قان تاپشیردی.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، ینگی‌لیک‌ده صحت طفل کسل‌خانه‌سی‌ده قان گه نیازی بولگن کسل گه قان تاپشیرگن حیات نی قوتقریش ملی حرکتی رضاکارلریدن بیری کریم‌الله امینی نینگ ایتیشیچه: «مقصدیمیز تینگری نینگ رضاسی دیر و انسان نینگ اوزی نی ساغلیگی دیر. یشاوچیلردن قان بیریش بیلن باشقه کیشی‌لر نینگ حیاتی نی قوتقریلیشلری نی ایسته‌میز.»
حیات‌نی قوتقریش ملی جنبشی مملکت یشاوچیلریدن قان گه نیازی بولگن کسل‌لر اوچون قان تاپشیریش پروسه‌سی گه سهم آلیشلری نی ایسته‌گن.