توییب آوقتلنمسلیک کسللیگی، دنیا بویلب باله‌لر نینگ اولیم اصلی عاملی حسابلنه‌دی که اوشبو کونلر افغانستان بویلب باله‌لر نینگ بو کسللیککه چلینیش رقمی کوپه‌یماقده دیر.
گرچند ییل‌لردن بویان توییب آوقتلنمسلیک کسللیگی، اولکه مقیاسیده باله‌لر نینگ کتته قیینچیلیگی حسابلنسه ده، بیراق سونگی بیر ییل ده‌گی معلومات اساسیده، مذکور کسللیکه چلینگنلر سانی کوپه‌یگن.
ساغلیق‌نی سقلش وزیرلیگی نینگ ایتیشیچه، بو وزیرلیک ییل باشله‌نیشی بیلن اولکه بویلب ۱.۱ میلیون باله توییب آوقت‌لنمسلیککه چلینیشینی پیش‌بینلیک قیلگن ایدی، بیراق مذکور وزیرلیک اوشبو کسللیککه چلینگنلر سانینی پیش‌بینلیکلری گه قره‌گنده آز بیله‌دی.
بیزلرنینگ فیسبوک صحیفه‌میزگه باش اورینگ!
اسلامی امارت سرپرست حکومتی ساغلیق‌نی سقلش وزیرلیگی نینگ سوزلاوچیسی شرافت زمان نینگ ایتیشیچه، هر آی ده مملکت ده کمیده ۴۵ مینگ دن ۵۰ مینگ باله توییب آوقت‌لنمسلیککه چلینه‌دی.
کابل شهری اندراگاندی صحت طفل کسلخانه‌سی نینگ برچه بسترلری، تقریباً توییب آوقتلنمه‌گن بیمارلر گه توله دیر.
ییتی آی‌لیک ایگیزک عثمان و سلیمان توییب آوقت‌لنمسلیککه چلینگنلر. مذکور ایگیزک‌لر نینگ آنه‌سی بنفشه گه کوره، اقتصادی قیینچیلیک و ییگولیک نان‌لری یوق‌لیگی اوچون، چقه‌لاق‌لرینی سوت دن تویغیزه آلمه‌یدی.
اونگه کوره: «بیز اوشبو چقه‌لاق‌لر نینگ هیچ بیر نرسه‌سینی تیارله‌ی آلمه‌یمیز، دارو آلیب بیلمه‌یمیز، سوت بیرکون بولسه باشقه کون یوق، توش ده نان ایسک آخشم نانینی تاپمه‌یمیز، شونی اوچون چقه‌لاغیمیز توییب آوقت‌لنمسلیککه چلیندی.»
باله‌لری توییب آوقت‌لنمسلیککه چلینگن صالحه و بی‌بی هاجر نینگ ایتیشلریچه، باله‌لرینی دوالش اوچون کاپیسا و پکتیا دن کابل گه کیلگنلر.
پکتیا دن کیلگن بی‌بی هاجر گه کوره، باله‌لریدن بیری تویب آوقتلنمسلیک باعث پکتیا کسلخانه‌سیده جان بیردی و حاضر باشقه باله‌سینی درمان اوچون کابل گه کیلتیرگن.
او اقتصادی قیینچیلیکنی باله‌لری توییب آوقت‌لنمسلیککه چلینیش اصلی عاملی عنوان قیله‌دی، شونینگدیک او مسئوللردن بوتوغریده دقت قیلیش‌لرینی سوره‌یدی.
بی‌بی هاجر نینگ ایتیشیچه: «چقه‌لاغیمیز توییب آوقت‌لنمسلیککه چلینگن، اوزیمیز بیکار میز، چقه‌لاغیمیز کسلخانه ده بستر دیر، عکس‌حالده نانوایی لرده باریب نان ییغر ایدیم، اقتصادیمیز جُدا هم چتاق. ۱۴ یاشر چقه‌لاغیمیز بار و ایشله‌ی آلمه‌یمیز.»
بیزلرنینگ توییترده هم تعقیب قیلینگ!
کابل شهری ده اندراگاندی صحت طفل کسلخانه‌سیده، تورلی کسل‌لیکلرگه چلینگن باله‌لر بستر قیلینگن.
اوشبو کسلخانه مسئوللری نینگ ایتیشلریچه، سونگی آی‌لرده ناچارلیک دن کسلخانه نینگ ظرفیتیدن یوقاری، کسل‌نی قبول قیلیشگن.
اندراگاندی صحت طفل کسلخانه‌سی نینگ ایچکی بولیمی مسئولی پروفیسور محمدعارف حسن‌زی، توییب آوقت‌لنمسلیککه چلینگنلرنی دوالش اوچون دقت قیلینیشینی طلب قیله‌دی.
عین‌حالده، ینگی لیکده بیرلشگن ملت‌لر تشکیلاتی نینگ باله‌لردن حمایت قیلووچی صندیغی یا یونیسف گه کوره، اوتگن آی ده افغانستان ده توییب آوقت‌لنمسلیککه چلینگن ۵۰ بیمار کسلخانه ده یاتقیزیلگن.
