خلق‌ارا کیچیریم تشکیلاتی نینگ ایتیشیچه، افغانستانده سوز ایرکین‌لیگی و بیر ییرده توپله‌نیش حقی کینگ شکلده محدود قیلینگن و قرشی‌لیک کورستگن کیشی‌لر اوزباشیمچه حبس‌گه آلینیش و یوقالیش بیلن روپهرو دیر.
خلق‌ارا کیچیریم تشکیلاتی اوتگن کون بیر گزارش ترقه‌تیب ایتیشیچه، عیاللر، مدنی فعاللر وخبرچی‌لر نینگ اوزباشیمچه حبس گه آلینیشی سوز ایرکین‌لیگی و عدالت ایستش سیس‌نی اوچیریش اوچون اسلامی امارت نینگ سونگی تاکتیک‌لریدن دیر.
اوشبو تشکیلات اسلامی امارت‌دن ناقانونی حبس گه آلینیش‌لرنی توخته‌تیب، خلق‌ارا بشر حقوقی معیارلرینی رعایت قیلیش‌لرینی سوره‌گن.
شونینگدیک گزارش‌ده کیلیشیچه، خلق‌ارا کیچیریم تشکیلاتی توقیز گه یقین زوراوانلیک قضیه‌نی مستند سازلیک قیلگن دیر که اسلامی امارت نینگ بو توغریده قیلگن حرکت لرینی انیق کورسته‌دی.
بیزلرنینگ فیسبوک صحیفه‌میزگه باش اورینگ!
گزارش‌دن نقل قیلینیشیچه، زور بیلن ناقانونی حبس گه آلینیب یوقالیش‌لر «اسلامی امارت برابریده اوز مدنی حق‌لری اساسیده مسالمت آمیز قرشی‌لیک کورستیب، اسلامی امارت‌نی سوراق آستیده قرار بیریش اوچون سعی و حرکت قیلگن کیشی‌لر توغریسیده عملگه آشیریلگن.»
خلق‌ارا کیچیریم تشکیلاتی نینگ کوپه‌یتیریشیچه، عیاللر ناقانونی قولگه آلینیب، سقله‌نیش ییرلری نینگ سِرقالیشی، اسلامی امارت نینگ اهالی برابریده تعهد سیزلیگی و افغانستان یشاوچی‌لریدن آرقه‌داشلیک قیلمیه‌یشینی کورسته‌دی.
گزارش ده کیلیشیچه، مذکور تشکیلات، بو توغریده صورت تاپگن تحلیل‌لر وتیکشیریش اساسیده، معلوم قیلگن دیر اسلامی امارت خلق‌ارا بشرحقوقی قانونی کیسکین شکلده ایاق آستی قیلیب قورقینچ و خوف فضاسی نی اورته گه کیلتیرگن دیر.
خلق‌ارا کیچیریم تشکیلاتی نینگ گزارشی اساسیده، جنوری و فبروی آی‌لریده، باله‌لرشامل ۶۰ دن آرتیق کیشی اسلامی امارت کوچلری نینگ ناقونی حبس گه آلینیش‌لری بیلن روپهرو بولگن‌لر.
خلق‌کیچیریم تشکیلاتی نینگ کوپه‌یتیریشیچه، بو رقم رسانه آرقه‌لی نشر ایتیلگن آمارلردن کوپ بولیشی ممکن.
خلق‌ارا کیچیریم تشکیلاتی نینگ تاکید قیلیشیچه، اسلامی حکومت خلق‌ارا معیارلرنی نظرده توتیب برچه یشاوچیلرگه ایرکین‌لیک حق‌لری اساسیده قورقمس‌دن حیات کیچیریش‌لریگه ایزین بیریشی کیره‌ک. «بیز اسلامی امارت‌دن ایسته‌یمیز تیزلیک بیلن حجت سیز، مدنی حق‌لریدن ایش آلیش‌لری سبب حبس گه آلینگن برچه کیشی‌لرنی شرط سیز قوییب یوبارسین‌لر.»
اوشبو تشکیلات نینگ ایتیشیچه، خلق‌ارا تشکیلاتی منطقه مملکت‌لریدن بو حکومت تامانیدن بشری حقوق ایاق آستی قیلینگنی نی محکوم قیلیب، اولردن خلق‌ارا قانون گه حرمت قیلیشلری نی سوره‌گن.
بیزلرنینگ توییترده هم تعقیب قیلینگ!
شونده‌ی بیرحالده، اسلامی امارت کوچلری نیچه مدت آلدین بیرقطار خبرچی‌لر، سیاسی فعاللر و بیرقنچه عیاللر حقوقی فعاللرینی قولگه آلیب نیچه کوندن کیین قوییب یوبارگن ایدیلر.
ینگی‌لیکده طلوعنیوز خصوصی تلویزیونی نینگ اوچ ایشلاوچیسی اسلامی امارت استخباراتی تامانیدن قولگه آلینیب و ۲۴ ساعت‌دن کیین قوییب یوباریلدیلر.
اسلامی امارت استخبارتی بوحبس گه آلینیش‌لرنی توجیه قیلیب ایتگن دیر که بیرقطار رسانه‌لر بعضی موردلرنی نشر قیله‌دی که دینی جماعه تویغوسی نی مجروح قیلیب، ملی خوف سیزلیکنی تهدید قیله‌دی.
و بونگه علاوه «شریر وشرانداز عنصرلر تبلیغاتی موادلرینی بو نظام قرشی سیده اوشبو میدیالردن قولگه کیلتیره‌دیلر.»
