بوگون کابل ده ۷۲ ییگیت نینگ توپلم توی مراسمی خیریه بیر نهاد تامانیدن بولیب اۉتکزیلدی. اوشبو توی تشکیلاتچیسی مسئوللری گه کوره، کمبغل کیشی‌لرنی قۉللب-قوتلش اوچون توپلم توی مراسمینی یولگه قویگنلر. اولر گه کوره، بو مراسم ده بیر میلیون افغانی صرفلنگن.
«پناه عترت» خیریه نهاد مسئوللری نینگ ایتیشلریچه، بو مراسم جمعیتده آز صرف-خره‌جت بیلن توی مراسم‌لری اۉتکزیلیشنی رواجلنتیریش مقصدیده یولگه قوییلگن.
اوشبو مراسم تشکیلاتچیلریدن رضا مظفری نینگ ایتیشیچه: «توپلم توی دن مقصد اهالی نینگ خورسندلیگی و بو فرهنگ نهادینه بولیشی دیر، ایکّینچیدن اقتصادی قیینچیلیک طفیلی ییل‌لردن بېری توی قیله آلمه‌یاتگنلر گه یاردم بیریش دیر و اوچینچی دلیلی هم بو فرهنگ نی جمعیت ده رواجلنتیریش دیر.»
بیزلرنینگ فیسبوک صحیفه‌میزگه باش اورینگ!
عین‌حالده، اوشبو مراسم ده قتنشگن کیلین-کیاولردن بیرقطاری، عایله‌لردن ایکّی تامان نینگ خورسندلیگی و کوپ مهر آلمسلیک‌لرینی اېسته‌یدیلر.
کیاولردن بیری غلام‌سخی گه کوره، کمبغل‌لیک طفیلی توی قیلیش اوچون سکیز ییل کوتگن.
اونگه کوره: «اۉنشتیریلگنیمدن سکیز ییل اۉتماقده اېدی توی قیلیشنی اېستر اېدیم لېکن امکانی یوق و شرایط مساعد اېمس اېدی شونی اوچون توی قیله آلمه‌دیم، بیز عایله‌لردن کوپ مهر آلمسلیک‌لرینی اېستمه‌یمیز.»
بیزلرنینگ «ایکس» ترماغی ده هم تعقیب قیلینگ!
کیلین‌لردن بیری زینب، عایله‌لردن کوپ مهر آلمسلیک‌لرینی سۉره‌یدی: «عایله‌لردن توی قیلیش ده کوپ مهر آلمه‌ی و صرف-خره‌جت نی کمه‌یتیریش‌لرینی اېسته‌یمیز، توپلم توی یخشی آدیم اونگه اشتراک اېته آله‌میز و هر نقطه‌ی نظر دن اونیملی دیر.»
کوپینچه یاش‌لر، قیز عایله‌سی تامانیدن کوپ مهر آلینیشی و صرف-خره‌جت نی تأمینله‌ی آلمسلیک اوچون چیت ایل مملکت‌لر گه باریب، تورلی خیل قیینچیلیک‌لر گه تن بیریب و آغیر محنت قیلیش گه مجبور بوله‌دیلر.
ایتیش کېره‌ک، افغانستانده بیرینچی مراتبه توپلم توی مراسمی ۱۳۸۷-ییل بلخ مرکزی مزارشریف شهری ده یولگه قوییلدی و اوندن سۉنگ بیرقطار ولایت‌لرده رواجلنیب و حاضرگه قدر مملکت مقیاسیده اونلب توپلم توی مراسم‌لری اۉتکزیلگن.