غور ولایتی کسل‌خانه‌سی گه کسل‌لری نینگ درمان اوچون مراجعت قیلگن کسل‌دارلردن قطاری، کسل‌لری نینگ درمان بولیشی اوچون هفته‌لردن بیری کوتیب تورگنلر، مذکور کسل‌خانه‌ده یاتاق، دارو و ساغلیک امکانیت کم‌لیگیدن شکایت قیله‌دیلر.
اولرنینگ ایتیش‌لریچه، کسل‌لری یاتاق کم‌لیگی باعث، هر یاتاق‌ده اوچ یا-ده تورت کسل درمان آستیده قرار تاپه‌دی که اوشبو پروسه ساغلیک خذمتلر ارایه‌سی نینگ قیین‌چیلیک بیلن روپه‌رو قیلگن.
کسل‌لردن بیری ماه‌گل نینگ ایتیشیچه: «انه شوو چپرکت‌ده بیز تورت کسل اولتیره‌میز، پایوزار خو هیچ یوق. بیز کسل‌لر برچه‌میز نادار‌میز، بیزلر نیردن قیله‌یلیک دارو هم تاپیلمه‌یدی. بوگون ایرته‌لب انه شوو ییرده اوچ یا-ده تورت باله جان بیردی و شوو کسل‌خانه‌دن آلیب کیتدیلر.»
بیزلرنینگ فیسبوک صحیفه‌میزگه باش اورینگ!
باشقه بیر تاماندن غور ولایتی کسل‌خانه داکترلریدن محمد‌موسی الفت نینگ ایتیشیچه، کونده یوزلرچه کسل بو کسل‌خانه گه مراجعت قیله‌دی که اولردن کوپ قطاری نی باله‌لر تشکیل بیره‌دی. اونگه کوره، کسل‌خانه‌ده ساغلیک امکانیت کم‌لیگی، برق و آکسیژن یوقلیگی باعث، باله‌لردن قطاری جان بیره‌دی.
عین حالده، غور ولایتی کسل‌خانه ریاست رئیسی عبدالاحمد نوری، شونینگدیک یاتاق و بشری منبع کم‌لیگی، هندی بیر شرکت و ایکی پاکستانی شرکت آرقلی یوباریلگن دارولر نینگ کیفیت‌سیزلیگی نی قبول قیلیب، بیراق ایتیشیچه، اولر اوشبو کسل‌خانه نینگ بوتون قیین‌چیلیکلری نی مرکزی رسمی‌لر بیلن شریک قیلگنلر و اونینگ حل بولیشی اوچون سعی و حرکت قیله‌دیلر.
بیزلرنینگ توییترده هم تعقیب قیلینگ!
غور ولایتی کسل‌خانه‌سیده ۱۰۰ یاتاقی بار. لیکن غور ساغلیک مسئوللری گه کوره، حاضر ایسه اوشبو کسل‌خانه‌ده ۲۰۰دن آرتیق کسل درمان آستیده قرار تاپگن که بو وضعیت نینگ دوام قیلگنی ساغلیک خذمتلر نی مختل قیلگن.
