آزادلیک رادیوسی نینگ اروپا بولیمی بیلن صحبت اوتکزگن آلمان تشقی ایشلر وزیری آنالنا بربوک نینگ ایتیشیچه، حاضر افغانستان ده خاتین قیزلر نینگ حقوقی ایاغ آستی بولیشی دوام ایتماقده. اونگه کوره، آلمان افغانستان خاتین قیزلری نینگ وضعیتی خصوصیده دقت قیله‌دی.
آنالنا بربوک نینگ ایتیشیچه: «حاضر افغانستان ده خاتین قیزلر نینگ حقوقی ایاغ آستی بولیشی دوام ایتماقده، بیز افغانستان ده خاتین قیزلر حقوقی اوچون کوپ دقت قیله‌میز، چونکه افغانستان ده طالبلر حاکم بولیشیدن کیین، اوشبو خاتین قیزلر ایریم قیینچیلیکلر گه روپه‌ره بولگن، اولر گه ایشلش رخصتی بیریلمه‌یدی، آزاد سفر قیله آلمه‌یدیلر و برچه بدن اعضالرینی یاپیش گه مجبورلر، افغانستان بویلب هر قنده‌ی بشری حقوق خاتین قیزلردن آلینگن.»
بیزلرنینگ فیسبوک صحیفه‌میزگه باش اورینگ!
عین‌حالده، بوندن آلدین دنیا جماعه‌چیلیگی و قطار مملکت‌لر، افغانستان ده بشری حقوق و خاتین قیزلر نینگ احوالی دن خواطر بیلدیرگن ایدیلر و اسلامی امارت سرپرست حکومتی ایسه دایم افغانستان ده شهروندلیک حقوق تأمین ایتیلیشیدن ایشانچ بیرگن.
افغانستان ده بشری حقوق فعال‌لری، بشری حقوق نقطه‌ی نظردن افغانستان نینگ حاضرگی وضعیتینی خواطرلی دیگنلر.
بشری حقوق فعالی برهان سیرت نینگ ایتیشیچه: «افغانستان ده اسلامی امارت قدرت نی آلگندن بویان، آدم‌لر اینیقسه خاتین قیزلر نینگ اساسی حقوقی جمله‌دن ایشلش حقی، تعلیم و ایرکین سوز حیات اوچون مهم دیر آلینگن، حاضر اهالی کیله‌جک لریدن خواطرده لر.»
بونگه علاوه؛ افغانستان ده خاتین قیزلر حقوقی فعاللریدن زینب غلامی که اسلامی امارت حکومتی زمانیده افغانستان ده خاتین قیزلر نینگ حقوقی تأمین ایتیلمسلیگیگه دایر دادخواه‌لیک قیلگن ایدی ایتیشیچه، حق سوره‌گن‌لر تهدید بیلن روپه‌ره بوله‌دیلر.
سلام‌وطندار بیلن صحبت اوتکزگن خانم غلامی، افغانستان ده اساسی حقوق گه قول تاپیش اوچون امیدسیزلیگی خصوصیده ایتیشیچه: «حاضرگی شرایط ده عیاللردن ایش، تحصیل و فعالیت حقی آلینگن، بو ایش کیینگه قالیشگه سبب بوله‌دی، مین امیدیمنی قولدن بیرگنمن و سابق ده‌گی وضعیت گه قیتیشنی اصلا اویلَمه‌ی من.»
بیزلرنینگ توییترده هم تعقیب قیلینگ!
آلمان تشقی ایشلر وزیری نینگ بیاناتی گه دایر اسلامی امارت نینگ فکر_ملاحظه‌سینی اورگه‌نیش اوچون تلاش قیلدیک، لیکن اسلامی امارت سوزلاوچی‌لری بوتوغریده جواب بیریش گه حاضر بولمه‌دیلر.
ایتیش کیره‌ک که، افغانستان ده اسلامی امارت حاکمیت نی قولگه آلیشیدن قریب بیر ییل اوتسه ده، بیراق افغانستان نینگ حاضرگی حکومتی حاضرگه قدر هیچ بیر مملکت تامانیدن رسمیت گه تانیلمه‌گن.
