غزنی دهگی خطاطلر و رساملردن قطاری، خطاطلیک و رساملیک صناعتی نینگ کسادلیککه یوز توتگنیدن شکایت قیلیب و ایتیشلریچه، خطاطلیک و رساملیک اثرلری ساتیلیشی و کوریب چیقهدیگنلر سانی کمهیگنی، بو صناعتلر نینگ اورتهدن کیتیش خوفی آستیده قرار بیرگن.
خطاطلردن بیری زبیر معصومی نینگ ایتیشیچه، بیر اثر نینگ تیارلنیشی اوچون ایکی آیدن کوپراق زحمت تارتگنلری بیلن، بیراق اونینگ ساتیلیشی اوچون مناسب بازار یوق. اونینگ کوپهیتیریشیچه: «اهالی بیزلر نینگ اثرلریمیز نی کوریب چیقمهیدیلر؛ صناعتی اثرلریمیز نی بیارزش آلهدیلر. ایکی آی زحمت تارتگنیمیز تابلونی ۱۰۰۰ افغانی دیگنیمیزده هیچ کیم ساتیب آلمهیدی و کوریب چیقهدیگنلر هم یوق. بو صناعت اورتهدن کیتماقده، چونکه حمایت و بازار یوق.»
بیزلرنینگ فیسبوک صحیفهمیزگه باش اورینگ!
شونینگدیک خطاطلردن باشقه بیری وحیدالله غزنوی نینگ ایتیشیچه، باسمه صناعتی رواجلنیشی و صناعتی اثرلر ساتیب آلینیشی خصوصیده قیزیقیش کمهیگنی، خطاطلیک و رساملیک صناعتی بازاری نینگ کسادلیککه یوز توتگنی سببلریدن دیر. «خطاطلیک و رساملیک جودهیم کمهیگن؛ سببلریدن بیری باشلنغیچ دورهدهگی مکتب اوقووچیلریدن خط سیناوی آلینمهیدی و خط مضمونی درس بیر شکلده درس بیریلمهیدی.»
غزنی خطاطلر اویوشمه باشلیغی شیرین غزنوی نینگ ایتیشیچه، رساملیک و خطاطلیک صناعتی خصوصیده آز توجه قرهتیلیش و صناعتچیلردن قوللب-قوتلنمسلیک، بو صناعتلر نینگ اونوتیلیش خوفی آستیده قرار بیرگن.
اونینگ کوپهیتیریشیچه، ایچکی و تشقی کورگزمهلر نینگ یولگه قوییلیشی و صناعتی اثرلر گه بازار تاپیش، بو صناعتلر اونوتیلیشی نینگ آلدینی آلیشی ممکن. «خط و صناعت توغریسیده یخشی کورگزمهلر یولگه قوییلسین؛ صناعت و خطاطلیک بولیمیده ارزشلی ایشلر صورت تاپمهگن؛ مرکز و ییتکرمهلر آرقهلی انفرادی شکلده بو موضوع خصوصیده ایشلش گه نیتیمیز بار؛ اهالی تشویقی و بو صناعتلر رواجلنیشی اوچون مسئوللر نینگ توجه قیلیشی گه امیدوارمیز.»
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، غزنی معلومات و مدنیت باشلیغی حمیدلله نثار نینگ ایتیشیچه، مذکور ریاست رساملیک و خطاطلیک صناعتلری رواجلنیشی اوچون فایدهلی ایشلرنی انجام بیریب و یقینده هم بو بولیمده صناعتچیلردن قوللب-قوتلش مقصد هنری اثرلر اوچون بویوک بیر کورگزمه یولگه قوییلهدی. «اوتگن ییللرده هم صناعت توغریسیده کورگزمهلر یولگه قوییلگن ایدی؛ کیلهجکده هم ولایت بویلب رساملیک و خطاطلیک صناعتی خصوصیده کورگزمهلر نینگ یولگه قوییلیشی اوچون سعیوحرکت قیلماقدهمیز. صناعتچیلردن حمایت قیلیش گه متعهدمیز و اوتگن ییللرده رساملر و خطاطلر نی تانیشتیرگنمیز که مملکت بویلب ایکینچی و اوچینچی اورینلرنی قولگه کیلتیرگنلر.»
غزنی ولایتی اوتگن ییللرده خطاطلیک و رساملیک نینگ رواجلنیشی اوچون اینگ یخشی اورین گه ایگه بولگنی بیرحالده، بیراق سونگی ییللر بو بولیم صناعتچیلری گه کوپ توجه بولمسلیک و هنری اثرلر نینگ ساتیب آلینیشی خصوصیده قیزیقیش کمهیگنی سبب، بو صناعتلر اوتمیشدهگی رونق نی قولدن بیریب و کسادلیککه یوز توتگن.