هرات ده صناعتچیلر و کاشی‌لر اوستیگه خطاط‌لیک قیله‌دیگنلردن قطاری، ایشلری کسادلیکّه گه یوز توتگنی‌دن خواطر بیلدیریب ایتیشلریچه، حاضر ایسه اوشبو صناعت بازاری اوتمیش کبی ایمس دیر.
کاشی‌لر اوستیگه خطاط‌لیک قیلیش صناعتی یولی‌ده ۵۰دن آرتیق عمری نی اوتکزگن ۷۰ یاشر میراحمد صبری هروی نینگ ایتیشیچه، مذکور صناعت نینگ سقلنیشی خصوصیده سعی‌وحرکت قیلماقده.
بیزلرنینگ «ایکس» ترماغی ده هم تعقیب قیلینگ!
هروی نینگ کوپه‌یتیریشیچه: «افغانستان ده قریب ۴۵ ییل اوروش بار ایدی، برچه هنری آستقورمه‌لریمیز، تبلیغات نقطه‌ی نظری‌دن قریب اورته‌دن کیتگن. افغانستان نینگ حاضرگی دولتی و کیله‌سی کیشی‌لر تامانیدن اساسی شکلده قوللب-قوتلنیش گه نیازیمیز بار. عین حالده علمی نخبه‌لریمیز، حداقل شو ایش نی بیله‌دیگن کیشی‌لر کیلیب و هنر خصوصیده سرمایه یاتقیزیشلری ممکن.»
شونده‌ی بیرحالده، صناعتچیلر و خطاط‌لردن قطاری نینگ ایتیشلریچه، جمهوریت توزومی‌ده ایش‌خانه‌لرده ییگیت‌لر و قیزلر شامل کوپینچه شاگرد اوشبو هنر نینگ اورگه‌نیش بیلن شغللنگن ایکنلر؛ بیراق حاضر ایسه بو صناعت نینگ کیله‌جگی نابیللی بولگنی و ماس بازار یوقلیگی سبب، یاش‌لر نینگ اوشبو هنر نی اورگه‌نیش خصوصیده علاقه‌لری کمه‌یگن.
مذکور هنر صناعتچیلریدن هروی نینگ ایتیشیچه: «اوتگن ییل‌لرده شاگردلریم نینگ سانی کوپ ایدی، افغانستان اسلام امیرلیگی حکومتی‌دن آلدین‌گی دوره‌ده قریب ۲۵-۳۰ قیز شاگرد و نیچه ییگیت شاگردیم بار ایدی و اولر گه خطاط‌لیک اورگه‌تر ایدیم، حاضر ایسه شاگردلریم کمه‌یگن. ۴-۵ کیشی‌دن کوپ ایمس. شاگرد‌لر نینگ کیله‌جک خصوصیده امید‌لری بولگنی پیتده، کوپینچه کیشی گه درس بیره آله‌من. بو هنردن جدی شکلده حمایت بولینیشی کیره‌ک.»
مذکور هنر صناعتچیلریدن باشقه بیری رفیع‌الله نینگ ایتیشیچه: «مذکور هنر نینگ کینگه‌یشی نی آرزو قیله‌میز. افغانستان نینگ بوتون ولایت‌لریده بو هنر نینگ رواجلنیشی نی ایسته‌یمیز.»
باشقه بیر تاماندن، هرات محلی مسئوللری سنتی کاشی‌لر اوستیگه خطاط‌لیک قیلیش صناعتی نی اونملی دیب ایتیشیلریچه، اوشبو هنر نینگ سقلنیشی و اونینگ بیر نسل‌دن باشقه بیر نسل گه اوتکزیلیشی اوچون سعی‌وحرکت قیلیشلری ممکن.
بیزلرنینگ فیسبوک صحیفه‌میزگه باش اورینگ!
هرات معلومات و مدنیت ریاستی هنر و فرهنگ بولیمی آمری حمید‌الله غیاثی نینگ سلام‌وطندار گه ایتیشیچه: «معلومات و مدنیت ریاستی تاریخی آبه‌لر بولیمی‌ده، بیر قطار کیشی کاشی‌سازلیک هنری صناعتچیلری و شونینگدیک کاشی اوستیگه خطاط‌لیک بیلن شغللنیب و بویوک جامع یقینی‌ده کاشی‌سازلیک ایش‌‌خانه‌سیده ایشلاوچی صفتیده ایش قیله‌دیلر.»
کاشی‌لر اوستیگه خطاط‌لیک هرات نینگ قدیمی صناعت‌لریدن بیری دیر، بیراق مذکور هنر نینگ صناعتچیلریدن قطاری گه کوره، سونگی کونلر هرات ده صنعتی کاشی‌لر نینگ وارد قیلینیشی و تولید بولیشی سبب، اولر نینگ ایشلری کسادلیکّه گه یوز توتگن.
