اسلام امیرلیگی تامانیدن، افغانستان ده ایچکی و خارجی نادولتی مؤسسه‌لرده عیاللر ایشی توخته‌تیلیشی و بیلیم یورت‌لر ایشیگی قیزلر یوزیگه یاپیلیشی گه دایر مناسبت‌لر دوام ایتر ایکن، غرب و آسیا نینگ ۱۳ مملکت تشقی ایشلر وزیرلری قوشمه بیر بیانیه ترقه‌تیب، اسلام امیرلیگی دن اوشبو قرارینی درحال لغو قیلیشینی طلب قیلگنلر.
چهارشنبه کونی، ۷ جدی، امریکا تشقی ایشلر وزیرلیگی آسترالیا، کانادا، دنمارک، فرانسه، جرمنی، ایتالیا، جاپان، ناروی، سویس، هالند، بریتانیا، امریکا تشقی ایشلر وزیرلری و اروپا اتفاقی مخصوص نماینده‌سی نینگ قوشمه بیانیه‌سینی ترقه‌تگن.
بیزلرنینگ فیسبوک صحیفه‌میزگه باش اورینگ!
مذکور مملکت‌لر نینگ تشقی ایشلر وزیرلری، دنیا اولکه‌لری نینگ خواست‌لری گه دایر اسلام امیرلیگی نینگ بی‌فرق‌لیگیدن تنقید قیلیب و بوتوغریده اوز خواطرلرینی بیلدیریشگن.
غرب و آسیا نینگ ۱۳ مملکت تشقی ایشلر وزیرلری نینگ قوشمه بیانیه‌سی اساسیده، نادولتی تشکیلات‌لر نینگ عیال خادم‌لری بولمه‌گن تقدیرده، افغانستان ده محتاج کیشی‌لرنی قوللب_قوتلب و اولر گه یاردم بیریش‌لری قیین دیر.
اوشبو اولکه‌لر اسلام امیرلیگی دن، ایچکی و خارجی نادولتی مؤسسه‌لرده عیاللر نینگ ایشی توخته‌تیلیش قرارینی درحال بیکار قیلیب و افغانستان ده میلیون‌لرچه کیشی گه انسان پرورلیک یاردم‌لر گه شرایط یره‌تیش‌لرینی طلب قیلگنلر.
شونینگدیک مذکور مملکت‌لر قوشمه بیانیه‌لریده، اسلام امیرلیگی تامانیدن قیز اوقووچیلر نینگ تعلیمی توخته‌تیلیش قراری قاره‌لنگن.
بیزلرنینگ توییترده هم تعقیب قیلینگ!
عین‌حالده شنبه کیچه، ۳جدی، اقتصاد وزیرلیگی ترقه‌تگن مکتوبی ده، ایچکی و خارجی نادولتی مؤسسه‌لرده عیال ایشلاوچیلر نینگ ایشلرینی توخته‌تدی. اوشبو مکتوب ده کیلیشیچه، نادولتی مؤسسه‌لرده عیاللر تامانیدن اسلام امیرلیگی نینگ قانون_قاعده‌لری رعایت ایتیلمسلیگی خصوصیده کوپ شکایت‌لر بولگن.
نادولتی مؤسسه‌لرده خاتین‌لر نینگ ایشی و قیز اوقووچیلر نینگ تعلیمی توخته‌تیلیشی گه دایر اسلام امیرلیگی نینگ قراری، ایچکی و خلق‌ارا مناسبت‌لر گه روپه‌ره بولگن.