ولایت‌لردن قطاریده هوا ایسیق‌لیگی درجه‌سی ۴۴ درجه سانتی‌گراد‌دن آشگنی بیرحالده، تورلی ولایت‌لر یشاوچیلری نینگ ایتیشلریچه، برق پرچاویلری کوپه‌یگنی ایسیق هواده اهالی نینگ کوپینچه قیین‌چیلیک بیلن روپه‌ره بولیشیگه سبب بولگن.
کابل یشاوچیلریدن سمیع‌الله نینگ ایتیشیچه، ۲۴ ساعت‌ده ۳-۴ ساعت برق‌دن فایده‌لنه آله‌دیلر و اوشبو ایسیق هواده پکه یا-ده کولردن قوللنه آلمه‌یدیلر. اونینگ کوپه‌یتیریشیچه: «هوا ایسیق‌لیگی کوپه‌یگنی بیرحالده، پایتخت یشاوچیلری اوچون برق پرچاوی‌سی هم کوپه‌یگن و انه شوو سبب، قیین‌چیلیکلریمیز کوپ دیر. دولت بو قیین‌چیلیک نی حل قیلیش گه مسئول دیر.»
بیزلرنینگ «ایکس» ترماغی ده هم تعقیب قیلینگ!
شونینگدیک تخار یشاوچیسی اسد‌الله و هرات یشاوچیسی روح‌الله نینگ ایتیشلریچه، سونگی کونلرده برققه جدی شکلده نیازلری بولگنی بیلن، بیر کیچه و کوندوزده یالغیز ۵-۶ ساعت برق‌دن فایده‌لنه آله‌دیلر.
اسد‌الله نینگ کوپه‌یتیریشیچه: «اینگ ایسیق بولگن کونلرده برق‌لر پرچاوی بوله‌دی. حاضر ۳۷ درجه و مین اوی‌دن چیققنیم‌ده برق یوق ایدی. کون بویی فکر قیلینگلر که ایرتنگ ساعت ۹ دن برق کیته‌دی و آخشم ساعت ۵ ده برق کیله‌دی؛ هوا جوده‌یم ایسیق، حتا کسل بوله‌میز. دولت بو قیین‌چیلیک نی حل قیلیش گه مسئول دیر.»
روح‌الله گه کوره: «برق‌دن فایده‌لنه آلمه‌میز. اهالی برققه نیازی بار و برق یوق. اهالی ساووق هوا گه نیازی بار. کون بویی ۳-۶ ساعت برق یوق.»
مذکور یشاوچیلر نینگ کوپه‌یتیریشلریچه، برق کم‌لیگی و پرچاوی‌لر کوپلیگی بیلن، بیراق برق خره‌جتی بیلی کوپ و اینانیلمس بیر نرسه دیر.
باشقه بیر تاماندن، افغانستان برق ییتکزیش شرکتی (برشنا) نینگ ایتیشیچه، سونگی هفته‌لرده برق‌دن کوپراق قوللنیلیشی، برق پرچاویلری نینگ کوپه‌یشی گه سبب بولگن.
بیزلرنینگ فیسبوک صحیفه‌میزگه باش اورینگ!
برشنا شرکتی سوزلاوچیسی حکمت‌الله میوندی نینگ سلام‌وطندار گه ایتیشیچه: «هوا نینگ ایسیق بولیشی بیلن کابل و بیر قطار ولایت‌لرده برق پرچاوی‌سی بولگن و بو قیین‌چیلیک حلی اوچون قیقسه مدتلی برنامه‌لر، جمله‌دن حرارتی دستگاه نی فعال قیلدیک که بیر مقدار اوندن قوللنه‌میز و باشقه بیر تاماندن، صنعتی کارخانه‌لر برقی نی بیر مقدار کمه‌یتیردیک.»
ایتیش کیره‌ک که، هر ییل یاز و قیش موسومی ییتیب کیلیشی بیلن پایتخت و بیر قطار ولایت‌لرده برق پرچاویلری کوپه‌یه‌دی و یشاوچیلر اوی‌لری نینگ ساووق بولیشی و ایسیق بولیشی اوچون قیین‌چیلیک بیلن روپه‌ره بوله‌دیلر.
