میزی آرقهسیده اولتیریب و کمپیوتری صحیفهسیدهگی یختیلیک سیماسیگه توشگن؛ اتاقنینگ سکوتی کیبورد یوزیگه تیگهدیگن پرماقلرینینگ حرکتی سیسی بیلن سینهدی؛ او گرافیکی بیر دیزاین یوزیگه ایشلش بیلن شغللنگن.
قیزلردن قطاری چیکلاولردن چیقه آلمهی و حضور تاپیشلری اوچون اوزلریگه بیر فرصت یرهته آلمهگنلری بیر وضعیتده، او اوقووچیلیک دورهسینی یکونلنیتریشدن کیین اوزیگه رواجلنیش یولینی آچه آلگن. اوقووچیلیک دورهسینی بیتیریب و موجود چیکلاولر سبب بیلیم یورت گه باره آلمهگن کاپیسا ولایتیدن بولمیش ناز رحیمی، گرافیک ساحهسیده آنلاین تعلیمی برنامهلرنی تعقیب قیلیش بیلن، اوزیگه بیر ایش یرهتگن.
ناز رحیمی، اوچ ییل آلدین آنلاین تعلیمی برنامهلر و رایگان منبعلردن فایدهلنیش بیلن، گرافیک دیزایننینگ اورگهنیشگه باشلهگن. اونینگ کوپهیتیریشیچه، کیچهلر میزی آرقهسیده اولتیریب، تعلیمی برنامهلرنی تعقیب قیلگن و هر کونی اوقیگنی موضوعلرنی اوزی بیلن تمرین قیلیب و تکرارلهگن که بو ایش، اونینگ بو ساحهده عملی مهارت گه ایگه بولیشیگه سبب بولگن. «۲۰۲۱-ییلده گرافیک بولیمینی باشلهدیم و ۲۰۲۳-ییلگچه درسلریمگه دوام بیردیم. یوتیوبده درسلرینی کوریب و تیزلیکده گرافیک دیزایننینگ اورگهنیش اوچون کیچهلر اوزیم بیلن تمرین قیلهر ایدیم.»
ناز رحیمی، اوزی فوتوشاپ، ایلاستریتور، افتر افکت و DaVinci Resolve کبی برنامهلرنی اورگهنیش بیلن، گرافیک دیزاین ساحهسیده فنی مهارتلرگه ایگه بولگن. او حاضر ایسه مسلکی شکلده محصوللر، کسلخانهلر و رستورانتلرگه لوگو و برند شکللرینی دیزاینلش توغریسیده فعالیت قیلهدی. «مین تورلی لایحهلر توغریسیده ایشلهیمن. کابل دهگی بیر قطار رستورانتلر، کسلخانهلر و مکتبلرده، توپلم شکلده تورلی لایحهلرده ایشلهگنمین.»
ناز بالهلیگیدن اونگه همراه بولگن آرزوسی و دیجیتال دیزاینیگه بولگن قیزیقیشی بیلن حاضر آز بولیب و برقرار بولمسهده، شو یول آرقهلی درآمد قولگه کیلتیرگن و بو درآمد، نهفقط عایلهسی احتیاجلرینینگ بیر قسمینی تامینلهیدی، بلکیم اونگه خودکفا بولیشی و مستقلراق حیات کیچریش امکانیتی هم بیرهدی. «بیر آیده درآمدیم ۳۰-۴۰ مینگ افغانی بولهدی. بو رقم بیللی ایمس، چونکه بعضا کوپهیهدی و بعضا هم کمهیهدی. اهالینینگ ایستهگیگه باغلیق دیر.»
ناز رحیمی، حاضر نهفقط اوزیگه یخشی بیر کیلهجک قوریش اوچون سعیوحرکت قیلماقده، بلکیم یوتیوب صحیفهسی آرقهلی باشقه قیزلر و گرافیکی ایشلرگه قیزیققن کیشیلرگه درس هم بیرهدی. اونینگ کوپهیتیریشیچه، هیچ قچان آرزولرینینگ اوچیشی اوچون محروملیک تویغوسیگه اجازه بیرمهگن. «فالورلریمدن کوپ قطاری بیزلرگه هم گرافیک بولیمینی اورگت دیهدیلر. بیر قطاری کورس توزهت دیگنلر، بیراق مینی بودجهم یوق که کورس توزهتسم، بیراق رایگان شکلده یوتیوب صحیفهم آرقهلی سیزلرگه اورگتهمن و راحت بیر شکلده اورگهنینگ دیدم.»
ناز رحیمی، اوقووچیلیک دورهسی یکونلنیشیدن کیینگی قیینچیلیکلر اوستیگه باسیم قیلسهده، امیدسیزلیک حاضر هم آرزولریگه سایه تشلهگن کونلریده، تسلیم بولمسلیک و دوام ایتیشنینگ رواجلنیش یولینی آچیشیگه ایشانهدی. «هر کیم هم امیدسیز بولهدی، مین هم امیدسیز بولیب و تسلیم بولگن کونیم هم بار، بیراق ایشدن اوزاق بولیب و اوزیم بیلن توشیندیم که تسلیم بولمسلیگیم و آرزولریمگه ییتیشیشیم کیرهک.»
هر کونی ینگی لایحهلر اوستیگه ایشلش و تمرین قیلیش، ناز رحیمینینگ کوندهلیک حیاتیدگه اَیلنگن و او بیر کونی دیزاینلرینینگ شهر سطحیده کوریشگه امیدوار بولیب و بو یول آرقهلی امیدسیز بولگن قیزلرگه بیر یول آچیب و اولرگه حاضر هم امیدوار بولیب و یخشیراق حیات قوریش یولیده حرکت قیلیشلری ممکنلیگینینگ کورسهتیش ایستهیدی.
