اولر نینگ ایتیشیچه، اون ییل دن بیری بو بالیق تربیه‌لش فارمی نی ایجاد قیلیشگن و بو مدت ده ایشلری یخشی بولگن. اولر اسلامی امارت دن خصوصی سکتور نی حمایت قیلیش‌لری نی سوره‌گن.
« بیز تورت ایناغه غیرقانونی مهاجرت دن قوتقریلدیک و کیلیب بو ییرده مصروف بولدیک.»
اسمی معصوم احمدی فارم نی قورگن تورت ایناغه لردن بیری که اون ییل دن بیری بو ییر ده مصروف، و حاضر هرات یشاوچیلری نینگ اکثریتی گه بالیق ییتکیزه دی.
بیزلرنینگ فیسبوک صحیفه‌میزگه باش اورینگ!
« غذالالا بالیغی نینگ اسمی ایندی هرات همه یشاوچیلری نینگ تیلی نی اوستیده آلینیب تورگن، چونکه یخشی کیفیت گه ایگه، و شو اوچون هرات یشاوچیلری همه سی ترغیبلنیب ایلنیش و عایله لری‌گه بالیق سوغه قیلیش اوچون بوییر ده کیله‌دیلر، حتی که دوستلری میز تماس آلیب بالیق ایسته‌یدیلر اولر گه ییتکیزه میز.»
اونینگ ایتیشیچه، اوتگن حکومت زمانیده بالیق تربیه‌لش صنعتی مخصوصاً غذالالا بالیغی ایشلری کینگه‌یشی اوچون کوپ تلاش قیلگن؛ اما دولتی مسوول‌لر هیچ بیر توجه قیلمه‌گن. او ایندی، اسلامی امارت مسوول‌لری دن ایکینچیلیک مخصوصاً بالیق تربیه‌لش ایشلری گه توجه قیلیش‌لری نی ایسته‌یدی.
« بیز سابق دولت گه هم بو صنعت نی کینگه‌یتیریشی اوچون کوپ مراجعت قیلدیک، کوپ یخشی سوولری میز بار، بیر نیچه یاشلری میزنی ایش ایگه سی بولیشی فُرصت ایجاد قیله‌یلیک دیدیک؛ اما تاسف بیلن غذالالا بالیغی نینگ تولیدی اوچون بودجه یوق، دیدیلر، ایندی اسلامی امارت دولتی ایسته‌ی میز که بو ایش نی جدی آلسین، نه فقط ایکینچیلیک و بالیق تربیه‌لش ایشی چارواچیلیک بولیمی گه توجه‌لری بولسین.»
هرات ولایتی نینگ اوبه اولوسوال‌لیگی یشاوچیلری بو یاشلر نینگ ایشلریدن قدرلش یانیدن غذالالا بالیغی یخشی کیفیت گه ایگه، دیدیلر.
هرات، اوبه اولوسوال‌لیگی نینگ یشاوچی‌لریدن بیری عبدالقیوم:
« غذالالا بالیغی تمیز و پاک بیر اوقت، ساغلام اوقت بیریله دی و هرقندی چیقیندی‌لر نی بیرمه‌یدی، کیفیت لحاظی دن صحرایی بالیق‌لر دن کوره کوپ یخشی و یخشی کیفیت گه ایگه، بو بیزگه جالب و بونگه فخرلنه میز که جناب احمدی بو ییرده بالیق فارمی ایجاد قیلگن، اهالی هرات، چشت و ایریم قیشلاق‌لردن بوییرده کیله‌دیلر؛ ایکینچیلیک مسوول‌لری و هرکیشی که بو ساحه ده ایشله‌یدی بونی کینگه‌یتیریشی اوچون آدیم کوتاریش‌لری گه امیدبیلدیره میز تا بازاری یخشی‌لنسین.»
بو فارم نی کوریش اوچون کیلگن، هرات ولایتی نینگ یاشلری و یشاووچی‌لری، اسلامی امارت دن ایچکی تولیدات نی کینگه‌یتیریش زمینه سی یره تیلیشی نی ایسته‌یدیلر.
هرات یشاوچی‌لریدن رفیع غفاری و شیراحمد:
« اوبه چشمه‌سیگه تفریح اوچون کیلدیک ، غذالالا بالیق نی خصوصیده معلوماتی میز بار ایدی او یوزدن بالیق فارمی نی کوریب و عایله‌گه ۲۰ کیلو بالیق تحفه آلماقچی بولدیم. اگر بیز بوگون افغانستان‌دن چیقسک و داکتر گه کیتسک، داکتر بالیق یینگ دییدی و اگر بالیق ییمه‌سنگیز حداقل بالیق تابلیتی نی یینگ دییدی.»
« اگر دولت ایچکی تولیداتی میزدن حمایت قیلسه کوپ یخشی بوله‌دی، بیز کیلیب کوردیک کوپ خوش بولدیک و دولت نینگ بو زمینه گه حمایت قیلیشی اوچون امیدوارمیز.»
اوشبو بالیق فارمی نینگ مسوول‌لری ایتیش‌لری اساسیده، حاضر مذکور فارم ده ۱۸ دن آرتیق کیشی شغل‌لنیب تورگن. بالیق فارمی نینگ مسوول‌لری مملکت ییگیت‌لریدن ناقانونی شکلده مهاجرت قیلیش‌لریدن وازکیچیب مملکت نینگ یخشی‌لنیشی اوچون سعی و حرکت قیلیش‌لری نی سوره‌گن.
