بدخشان ده، اوزبیکچه و فارسچه شعرلر نینگ ایلک مشاعره‌سی، اوشبو ولایت فرهنگ سیورلری تامانیدن یولگه قوییلگن.
احتفال تشکیلاتچیلریدن عبدالرحمان شهرانی گه کوره، اوزبیک و دری تیل سوزلاوچیلری آره‌سیده‌گی مناسبت مستحکم‌لنیشی مقصدیده بو مشاعره نی یولگه قویگنلر.
شهرانی جنابلری، ملی و محلی تیللر نینگ رواجلنتیریش اوچون یقینده بو کبی احتفال‌لر یولگه قوییش‌لرینی معلوم قیلگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «بو ییرده شغنانی و دروازی کبی تیللر ده سوزلشیله‌دی، ملی تیلی‌میز پشتو دیر، یقینده انشاءالله باشقه تیللرده شوکبی مشاعره یولگه قوییش گه قرار قیلگن‌میز.»
مذکور احتفال ده، بدخشان نینگ تورلی تومن‌لریدن شاعرلر، فرهنگ‌سیور کیشی‌لر یازووچیلر و یاش‌لر اشتراک ایتگن ایدیلر. اولردن بیرقطاری اوزبیکچه و فارسچه تیلی ده شعر دکلمه قیلگنلر.
عین‌حالده، بدخشان ده‌گی شاعرلردن بیری صدرالدین مظلوم، ایکی تیل آره‌سیده مشاعره احتفالی یولگه قوییلیشینی خوش قرشی‌لب ایتیشیچه، حاضر اتفاق بولیش زمانی ییتیب کیلگن.
اونگه کوره: «یاش‌لر نینگ ترقیاتی اوچون بو کبی برنامه‌لر یولگه قوییلیشینی خوش قرشی له‌یمیز، جوده هم اونیملی دیر، بوتوغریده اوقیتووچیلریمیز سعی‌وحرکت قیلیش‌لری درکار.»
بیزلرنینگ «ایکس» ترماغی ده هم تعقیب قیلینگ!
مذکور احتفال ده اشتراک ایتگنلردن و اوزبیک خلقی نینگ شاعر و مدنی فعاللریدن مسعود تیمور، بو کبی برنامه‌لر یولگه قوییلیشینی اونیملی دیب سلام‌وطندار گه ایتیشیچه، اوزبیک و فارس تیللری ایسکی تاریخ گه ایگه بولیب و دنیا بویلب کوپ سانده کیشی‌لر بو تیللرده سوزلشه‌دیلر.
تیمور جنابلری نینگ ایتیشیچه: «برچه اولکه یشاوچیلریدن، تیلداش‌لریمیز دن، تیللری، ادبیات‌لری، فرهنگ‌لری و تاریخ‌لری اوچون ایشلش‌لرینی ایسته‌ی من، هیچ کیم، باشقه‌لرنی ایشی گه اره‌لشمه‌سین.»
عین‌حالده، بدخشان ده بیرینچی مرته ایکی تیل سوزلاوچیلری آره‌سیده مشاعره احتفالی یولگه قوییلگن؛ بوندن آلدین اوزبیک فرهنگ سیورلری تامانیدن نیچه مرته بو کبی برنامه‌لر یولگه قوییلگن.
