طالبان صف‌لریده چیت‌ایللیکلر موجودلیگی ینگی بیر خبر ایمس و بوندن آلدین بو حقده نیچه مرته گزارش نشر قیلینگن، بیراق فاریاب ولایتی نینگ محلی مسئوللری گه کوره، چیت‌ایللیکلر طالبان گه اوچووچی‌سیز اوچاق نینگ استعمال قیلینیشی نی اورگتماقده.
فاریاب حاکمی نقیب‌الله فایق نینگ ایتیشیچه، طالبان مذکور ولایت نینگ خواجه‌سبز پوش تومنیده دوام ایتیب کیله‌دیگن اوروش‌لرده، اوچووچی‌سیز اوچاقلر آرقه‌لی امنیتی کوچلرنینگ موقعیتی نی بیللی قیله‌دی.
طالبان گروهی نینگ سابق اعضالریدن بیری سیدعزت‌الله نینگ سلام‌وطندارگه ایتیشیچه، طالبان صفیده بو گروه قومندانی صفتیده فعالیت قیله‌دیگن بیر پیتده، ایران، سوریه، اوزبیکستان و پاکستان مملکت‌لریدن چیت‌ایللیک طالبلرنینگ حضوری گه شاهد بولگن.
جناب عزت‌الله گه کوره، فاریاب ولایتیده‌گی اوروش نی چیت‌ایللیکلر رهبرلیک قیله‌دی و طالبلرنینگ برچه حرکتی اولر آرقه‌لی رهبرلیک بوله‌دی.
طالبان اوز صف‌لریده چیت‌ایللیکلرنینگ حضوری و اوچووچی‌سیز اوچاق‌لردن قولله‌نیش حقیده حاضرگچه هیچ بیر نرسه دیمه‌گن.
