قندوز نینگ گل ساتووچیلیک سرایی‌ده‌گی گل ساتووچیلردن قطاری نینگ ایتیش‌لریچه، اوتگن بیر ییل‌ده مشتری‌لری سیزیلرلی درجه ده کمه‌یگن.
اولر گه کوره، قندوز نینگ گل ساتووچیلیک سرایی‌ده، مخصوص تیپ و کیفیت بیلن اوتتیزدن آرتیق گل تور‌لری موجود دیر.
اوشبو سرای‌ده‌گی گل ساتووچیلردن قطاری نینگ کوپه‌یتیریش‌لریچه، اوتگن قیش موسومی‌ده هوا نینگ ساووق بولگنی سبب، گل‌خانه‌لرده‌گی گل‌لری زیان کوریب و حاضر ایسه باشقه ولایت‌لردن گل وارد قیله‌دیلر.
بیزلرنینگ فیسبوک صحیفه‌میزگه باش اورینگ!
قندوز ولایتی‌ده گل ساتووچیلردن آغا‌محمد احمدی نینگ سلام‌وطندار گه ایتیشیچه: «قیش موسومی‌ده برچه گل‌لر موزلنیب و ساتیش‌دن قالگن دیر. بیر قطار ولایت‌لردن آلیب کیله‌دیگنی‌میز گل‌لر کوپراق قیمت توشه‌دی که، اولر نینگ ساتیش گه چیقرگنی‌میز پیت‌ده، مشتری‌لریمیز نینگ کوچی ییتیشمه‌یدی. انه شوو سبب، گل ساتووچیلیک بازاری تنزل گه یوز توتگن.»
قندوز ولایتی‌ده گل ساتووچیلردن باشقه بیری عزیز احمد نینگ ایتیشیچه: «وضعیت بو رقم پیش کیتگنی صورت‌ده، مسلکی‌میز نینگ تغییر بیریش گه مجبور بوله‌میز. بیش‌دن آلتی لک افغانی گه قدر گل‌خانه اوچون مصرف قیلدیک و بخاری قویدیک، بیراق بهار کیلیشی بیلن ساتیشی‌میز یوق و وضعیت یخشی ایمس دیر.»
عین بیرحالده، قندوز ولایتی‌ده‌گی گل فروش‌لیک‌لر گه گل ساتیب-آلیش اوچون کیلگن اوشبو ولایت یشاوچیلریدن قطاری نینگ ایتیش‌لریچه، گل قیمتی اوتگن ییل‌لر گه قره‌گنده اوچ یا-ده تورت برابر کوپه‌یگن دیر.
قندوز یشاوچیسی عبدالکریم بلوچ نینگ ایتیشیچه: «ولا بو ییل قیمت‌لر یوقاری کیتدی و اوتگن ییل‌لرده بیر دانه‌سی نی ۵۰ افغانی یا-ده ۶۰ افغانی ساتیب آله‌ر ایدیک، بیراق بو ییل بیر دانه‌سی ۱۵۰ یا-ده ۲۰۰ افغانی گه ییتیشگن.»
بیزلرنینگ توییترده هم تعقیب قیلینگ!
شونده‌ی بیرحالده، قندوز ایکینچی‌لیک ریاستی نینگ ایتیشیچه، گل ییتیشتیریلیشی‌دن حمایت قیلیش اوچون اوتگن ییل قندهار ده قریب ۵۵ گرین‌حوض ایجاد قیلگن و شونینگدیک بو توغریده سعی و حرکت قیلیش‌لری ممکن.
قندوز ایکینچی‌لیک ریاست رئیسی امان‌الله حسن نینگ ایتیشیچه: «بو الهی بیر آفت دیر که ساووق هوا کیلیتب و بوتون دهقان‌لر و باغ‌دارلر گه زیان ییتیشدی. خو الحمد‌الله موسسه‌لر همکارلیگی بیلن اهالی خذمتی‌ده‌میز و کوپینچه گرین‌حوض‌لر توزتیشی‌میز ممکن.»
ایتیش کیره‌ک که، اسلام امیر‌لیگی نینگ قدرت گه ایریشگنیدن کیین، کابل شامل ولایت‌لردن قطاری‌ده گل ساتووچیلر مشتری‌لری کمه‌یگنی خصوصیده شکایت قیلگنلر.