ملی مدافعه وزیرلیگی نینگ اعلان قیلیشیچه، نیمروز ولایتی نینگ خاشرود تومنیده اویوشتیریلگن هوایی هجوم نتیجه‌سیده، تینچ اهالی نینگ قربان بولگنی موضوعی تیکشیریله‌دی.
بوگون “دوشنبه” مدافعه وزیرلیگی نینگ بیر خبرنامه آرقه‌لی اعلان قیلیشیچه، نیمروز ولایتی نینگ خاشرود تومنینی «منزری» منطقه‌سیده طالبان بیر قرارگاهی هجوم آستیگه قرار بیریلگن.
اوشبو اعلامیه‌گه کوره، مذکور هوایی هجومده ۹ پاکستان‌لیک تروریست و ۵ طالب هلاک و باشقه ۶ طالب یره‌لنگن.
اوتگن “یکشنبه” کونی بیرقطار منبع‌لر، نیمروز ولایتی نینگ خاشرود تومنیده هوایی کوچلر تامانیدن اویوشتیریلگن هجومده ۱۴ تینچ اهالی هلاک ایتیلگنیدن خبر بیرگن ایدیلر.
قربان بولگنلر اقارب‌لریدن بیرقطاری، اوتگن کونی عصر چاغیده هلاک ایتیلگنلرنینگ جسدلرینی نیمروز مرکزی زرنج شهریگه انتقال بیریب مذکور واقعه ده ۷ عیال، ۸ باله و ۳ ایرکک هلاک ایتیلگنی نی بیلدیرگنلر.
بوگون “دوشنبه” نماینده‌لر کینگشی نینگ عمومی ییغینیده اوشبو کینگش باشلیغی میررحمان رحمانی نینگ ایتیشیچه، نیمروز ولایتیده هوایی کوچلر تامانیدن اویوشتیریلگن هجوم نتیجه‌سیده ۱۸ تینچ اهالی هلاک ایتیلگن. جناب رحمانی نینگ ایتیشیچه، تینچ اهالی تلفات کورمسلیگی اوچون امنیتی کوچلرنینگ دقت قیلیشی لازم.
اوتگن “یکشنبه” کونی طالبان گروهی نینگ اعلان قیلیشیچه، نیمروز ولایتی نینگ خاشرود تومنیده هوایی کوچلر تامانیدن اویوشتیریلگن هجوم نتیجه‌سیده بیر عایله نینگ ۱۴ اعضاسی هلاک ایتیلگن.
