سلام‌وطندار زمانه‌وی و کلاسیک نقطه نظریدن یاشلر نینگ حیات اسلوب‌لرینی انیقلش مقصدیده مملکت نینگ ۲۵ ولایتیده سوراو یولگه قویگن، بو سوراو گه ۵۵۴ قیز و ییگیت قتنشگن. سوراو نتیجه‌سی اساسیده، افغانستانده کوپینچه یاشلر زمانه‌وی و کلاسیک اسلوب نی قوشیش گه قیزیقیشی انیقلنگن.
اوشبو سوراو ده یاشلر نینگ تیریکچیلیک اسلوبینی تېکشیریش اوچون ۵۵۴ یاش بیلن عایله‌وی قرار قبول قیلیش، زمانه‌وی و کلاسیک شکلده کییم-کیچک، آزیق-آوقت، موسیقه تېنگلش، عایله‌وی مراسملر بولیم‌لریده سوراو اۉتکزیلگن.
سوراو گه اشتراک اېتگن ۵۵۴ یاش دن ۵۱.۸ فایزی کلاسیک و زمانه‌وی کییم-کیچک و ۵۶.۵ فایزی سنتی و ینگی آزیق-آوقت‌لرنی مصرف قیلیش گه علاقه کورستگن؛ عین‌حالده، سوراو گه اشتراک اېتگن ۳۴.۸ فایز کیشی سنتی کییم-کیچک و ۲۸.۵ فایزی سنتی آزیق-آوقت گه علاقهمندلیکلرینی اېتگنلر.
اوشبو سوراو گه اشتراک اېتگنلر نینگ ۱۳.۴ فایزی زمانه‌وی کییم-کیچک و ۱۵ فایزی هم فست‌فود کبی ینگی آزیق-آوقت گه علاقهمندلیکلرینی معلوم قیلگنلر.
کلاسیک و زمانه‌وی کییم-کیچک که علاقه مند کیشی‌لردن کابل‌لیک محمد نینگ ایتیشیچه: «ایکّیله اسلوب نی سیوه‌من؛ زمانه‌وی کییم-کیچک بولسین یا که قدیمی کییم-کیچک. حاضرگی زمانده بوتون کیشی‌لر ینگی کییم-کیچک کییه‌دیلر؛ بیراق سنتی کییم‌لر هم مملکت کلتوری نینگ بیر بولیمی دیر و مین سیوه‌من.»
بیزلرنینگ فیسبوک صحیفه‌میزگه باش اورینگ!
بو سوراو گه یاشلر نینگ حیاتیده‌گی قرار قبول قیلیش‌لری حقیده هم سوره‌لگن، جواب قیترگنلر نینگ ۷۴.۳ فایزی عایله‌وی قرار قبول قیلیش‌لرنی عایله اعضالری نینگ مصلحتی اساسیده آلیش‌لرینی اېتگنلر. ۱۹.۷ فایزی عایله بویوک‌لری آلیشینی بیلدیرگن و یالغیز آلتی فایزی حیات‌لریده‌گی قرارلرنی اۉزلری آلیشینی اېتگن.
کابل یشاوچیسی شبنم گه کوره: «قرار قبول قیلیش عایله اعضالری و اورتاق‌لر نینگ مصلحتی اساسیده آلینیشی یخشی دیر؛ چونکه یخشی مصلحت بیره‌دیلر؛ چونکه تجربه‌لری بار.»
سلام‌وطندار نینگ سوراو نتیجه‌سی اساسیده، عایله‌وی مراسملر و وظیفه تنلاوی ده کوپینچه یاشلر زمانه‌وی اسلوب گه علاقه‌مند دیر؛ ۵۶.۷ فایز یاشلر عایله‌وی مراسملر زمانه‌وی طرزده نشانلنیشی و ۹۳.۵ فایزی زمانه‌وی وظیفه گه قیزیقیشینی معلوم قیلگن.
سوراو گه قتنشگنلردن حسنا حاضر اونشتیریلگن ایتیشیچه، توی مراسمینی زمانه‌وی طرزده اۉتکزیشنی اېستهیدی. «حاضر اونشتیریلگن من و توییم زمانه‌وی طرزده اۉتکزیلیشنی اېسته‌ی من؛ لېکن تورموش اورتاغیم نینگ عایله اعضالری قیشلاق ده یشه‌یدی و زمانه‌وی اسلوب گه قیزیقمه‌یدیلر.»
بو سوراو ده هم قنده‌ی موسیقه تېنگلش حقیده سوره‌لگن و یاشلر نینگ ۴۳.۳ فایزی کلاسیک موسیقه تینگلش گه قیزیقیش‌لرینی اېتگنلر. ۴۰.۶ فایزی زمانه‌وی کلاسیک موسیقه تینگلش و ۱۶.۱ فایزی ینگی موسیقه تینگلش گه علاقهمندلیکلرینی بیلدیرگنلر.
کابل یشاوچیسی محمد نینگ سلام‌وطندار گه ایتیشیچه: «ایکیله اسلوب ده آدملر علیحده قیزیقه‌دی؛ بیراق مین اۉزیم کوپراق کلاسیک اسلوب گه قیزیقه‌من، کییم-کیچک و آزیق-آوقت دن آلیب یوریش-توریش گه قدر موسیقه تینگله‌ی من، قدیمی اشوله‌لرنی تینگله‌ی من، یخشی تویغو بخش اېته‌دی.»
باشقه تاماندن، تېکشیرو نتیجه‌سی گه کوره، قیزلر گه نسبتن ییگیت‌لر کلاسیک حیات اسلوب‌لری گه کوپراق قیزیقه‌دی؛ عین‌حالده، قیزلر مدرن و کلاسیک حیات نی قوشیش گه علاقه‌مندلیک کورستگنلر.
سوراو گه اشتراک اېتگن ییگیت‌لر نینگ ۳۹.۴ فایزی سنتی کییم-کیچک نی سیویش‌لرینی اېتگن؛ عین‌حالده قیزلر نینگ ۳۰.۴ فایزی بونده‌ی کییم-کیچک که علاقهمندلیکلرینی بیلدیرگن. شونینگدیک قیزلر نینگ ۵۹.۱ فایزی ایکیله تورده‌گی کییم-کیچک که قیزیقیش‌لرینی معلوم قیلگن؛ بیراق ییگیت‌لر نینگ ۴۴.۴ فایزی ایکیله تورده‌گی کییم-کیچک که علاقهمندلیکلرینی اېتگنلر.
زمانه‌وی کلاسیک اسلوب گه قیزیقه‌دیگن ییگیت‌لردن بیری عرفان نینگ ایتیشیچه: «ایکیله‌سی یخشی دیر؛ چونکه انسان بیر تورده‌گی نرسه گه قیزیقمه‌یدی، چرچه‌یدی و ایکیله‌سی قوشیلگن حالده گوزه‌ل بوله‌دی.»
آزیق-آوقت، عایله‌وی مراسملرنی اۉتکزیش، موسیقه تینگلش، وظیفه تنلاوی خصوصیده قیزلر گه نسبتن ییگیت‌لر، کلاسیک توری گه قیزیقیش‌لرینی اېتگنلر.
کابل یشاوچیسی یوسف گه کوره: «قدیمی اسلوب طرفداری من. کییم-کیچک ده، سنتی کییم-کیچک و آزیق-آوقت ده سنتی آوقت اوی ده تیارلنیشنی سیوه من.»
شو بیلن بیرگه جمعیت شنا‌س و روان‌شناس‌لر نینگ ایتیشلریچه، یاشلر نینگ حیات ده‌گی قیزیقیش‌لری امکانیت و آگاهی‌لیک‌لری گه باغلیق دیر.
جمعیت‌شناس راشد صدیقی گه کوره: «اوقیمیشلی یاشلر کوپه‌یشی بیلن اولر نینگ حیاتیده اۉزگریش‌لر کېلگن، اولر کوپراق جمعیتده قبول قیلینگن اسلوب گه قیزیقه‌دی و کوپینچه یاشلر شهر ده و زمانه‌وی یشش ده قیزیقه‌دیلر.»
روان‌شناس نظامی عزیز نینگ کوپه‌یتیریشیچه: «حیات نینگ اقتصاد، امکانیت و تینچ‌لیک بیلن مستقیم مناسبتی بار و بو موردلر جمعیتده هر قنچه نهادینه بولسه تیریکچیلیک اوستیگه مثبت تأثیر قیله‌دی و کوپینچه یاشلر زمانه‌وی اسلوب ده حیات نی سیوه‌دی؛ چونکه زمانه‌وی تیریکچیلیک ده برچه قدریت‌لر سقلنه‌دی.»
انچه ییلدن بېری یاشلر نینگ اېسته‌گی انابت گه آلینمه‌گن بیرحالده، یاشلر نینگ تیریکچیلیک اسلوب گه دایر علاقه‌لری حقیده سوراو اۉتکزیلگن.