کابل ده خصوصی عالی اوقوو موسسه‌لر مسئوللری نینگ ایتیش‌لریچه، مملکتده سونگی اوزگریشلردن کیین، طلبه‌لردن کوپ قطاری تحصیل نی ترک قیلگنلر و اوشبو بیلیم یورت‌لر یامان بیر وضعیت‌ده قرار تاپگن.
«ازهر» عالی اوقوو موسسه نینگ طلبهلر ایشلری بوییچه اورین‌باسری جمال الدین سلیمانی نینگ ایتیشیچه، سونگی اوزگریش‌لر بیلن، طلبه‌لری نینگ سانی کمه‌یگن و مذکور موسسه ایسه مالی قیینچیلیکلر بیلن روپه‌ره بولگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، اوتمیش‌ده مذکور موسسه طلبه‌لری نینگ سانی کمیده ۲۰۰۰ گه ییتیشه‌ر ایدی؛ بیراق حاضر ایسه بو رقم ۳۰۰ کیشی گه یتیشگن.
باشقه بیر تامان‌دن، «پیام» عالی اوقوو موسسه نینگ علمی اورین باسری رقیب عزیزی نینگ ایتیشیچه، مملکتده یوز بیرگن سونگی اوزگریش‌لر سبب، اولر کوپینچه قیینچیلیکلر بیلن دوچ کیلگنلر.
عزیزی گه کوره، اوتمیش‌ده اوشبو موسسه طلبه‌لری نینگ سانی ۱۵۰۰ ایکن و حاضر ایسه بو رقم ۷۰ فایز کمه‌یگن.
او، اسلامی امارت‌دن مذکور موسسه‌لر مالی قیین‌چیلیکلری نینگ حل بولینیشی خصوصیده اولر بیلن همکارلیک قیلیب و خصوصی موسسه ترقیاتی زمینه‌سی نی فراهم قیلیش‌لری نی سوره‌گن.
شونده‌ی بیرحالده، خصوصی بیلیم یورت‌لر بیرلشمه‌سی نینگ مسئوللری اوشبو بیلیم یورت وضعیت‌لری نی خواطرلنتیرووچی دیگنلر. خصوصی بیلیم یورت‌لر بیرلشمه‌سی نینگ سوزلاوچیسی محمدکریم ناصری نینگ سلام‌وطندار گه ایتیشیچه، اوشبو وضعیت نینگ دوام تاپگنی صورت‌ده، بیلیم یورتلردن قطاری نینگ یاپیلیشی ممکن. اونینگ کوپه‌یتیریشیچه، مملکتده سونگی اوزگریشلردن کیین، طلبهلر حضوری ۷۰ فایز کمه‌یگن.
بیزلرنینگ توییترده هم تعقیب قیلینگ!
شونده‌ی بیرحالده، عالی اوقوو وزیرلیگی نینگ طلبهلر ایشلری بوییچه معینیت سرپرستی سید‌اسماعیل روحانی، طلبهلر سانی نینگ کمه‌یگنی خصوصیده ایتیشیچه، اوزگریشلردن کیین، هیچ بیر بیلیم یورت نینگ فعالیتی توختمه‌گن و تحصیل نی ترک قیلگن کیشی‌لر ایسه، خیالی طلبه‌لردن عبارت ایدیلر. شونینگدیک او افغانستان ده هیچ بیر خصوصی بیلیم یورت نینگ یاپیلمه‌یشی خصوصیده ایشانچ بیره‌دی.
ایتیش کیره‌ک که، اوتگن ۲۰ ییل جریانیده دولتی بیلیم یورت‌لر، افغانستان رواجلنیشی و ترقیاتی اوچون فایده‌لی بولگن. مذکور بیلیم یورت‌لر نینگ یاپیلیشی بیلن، مملکتده تعلیم گه کوپینچه زیان ییتیشیشی ممکن.
