دایکندی معارف ریاستی پنج‌شنبه کونی ۸ جدی، ۱۲-صنف نی بیتیرگن ممتاز قیز و اوغیل اوقووچیلر نی بیر احتفال آرقه‌لی تقدیر قیلگن. اوشبو ریاست مسئوللری نینگ ایتیش‌لریچه، بو ییل قریب ۶۰۰۰ مینگ قیز و اوغیل اوقووچی دایکندی ولایتی نینگ مکتب‌لریدن فارغ بولگن.
مذکور احتفالده دایکندی معارف ریاست رئیسی رحمت‌الله مدثر، علم اورگنیش اهمیتی گه تاکید قیلیب، ۱۲-صنف نی بیتیرگن اوقووچیلر گه مکتب دوره‌سی نینگ بیتگنی نی ییترلی بیلمه‌ی و تعلیم یولی نینگ دوام بیریش‌لری نی بیان قیلگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «افغانستان تحصیل قیلگن کیشی‌لر گه احتیاجی بار و اوقووچیلر علم اورگنیش اینیقسه دینی علم‌لر نینگ اورگنیش‌لری خصوصیده جدی توجه قیلیش‌لری کیره‌ک.»
باشقه بیر تامان‌دن، اوشبو احتفال‌ده‌گی اقووچیلردن قطاری، اوقییتووچیلری نینگ سعی و حرکتی‌دن خورسند‌لیک بیلدیریب و اسلام امیر‌لیگی‌دن، مکتب‌لر و تعلیمی مرکز‌لر ایشیگی نی برچه یوزی گه آچیلیشی نی ایسته‌گنلر.
اوشبو احتفال گه شرکت قیلگنلردن بیری فاطمه محمدی نینگ ایتیشیچه: «علم و دانش ایکی قنات دیر که انسان اوشبو قنات‌لر بیلن اوچه‌آله‌دی.»
او، ۱۴۰۱-ییل‌ده دایکندی ولایتی‌ده‌گی مکتب‌لر نی قیزلر و اوغیل‌لر یوزی گه آچیق بولگنی اوچون محلی مسئوللردن خورسند‌لیک بیلدیریب و اولردن دایکندی معارفی خصوصیده کوپراق توجه قیلیش‌لری نی ایسته‌گن.
فاطمه، سوزله‌گن بیاناتی نینگ بیر بولیمی‌ده اسلام امیر‌لیگی‌دن مکتب‌لر، تعلیمی مرکز‌لر و بیلیم یورت‌لر نینگ قیزلر یوزی گه آچیلیشی نی سوره‌گن.
بیزلرنینگ فیسبوک صحیفه‌میزگه باش اورینگ!
دایکندی یشاوچیلریدن سیف‌الله رضایی، بو کبی احتفال‌لر نینگ یولگه قوییلیشی‌دن خورسند‌لیک بیلدیریب و اوقووچیلر نینگ تشویق قیلیش اوچون به کبی احتفال‌لر نینگ یولگه قوییلیشی نی اونملی دیگن.
شونده‌ی بیرحالده، دایکندی حاکمی امین‌الله عبید، اوشبو احتفالده اوقووچیلر و اوقیتووچیلر نینگ سعی و حرکتی‌دن خورسند‌لیک بیلدیریب ایتیشیچه: «علم اورگنیش نی یوقاری درجه‌‌گچه دوام بیرینگ.»
دایکندی حاکمی بیاناتی نینگ بیر بولیمی‌ده تاکید قیلگن که، مکتب‌لر ایشیگی نینگ یاپیق قالگنلر قیز اوقیووچیلر نینگ درس‌دن بیراز بولیش‌لری گه سبب بولمه‌یشی کیره‌ک. اونینگ کوپه‌یتیریشیچه، اسلام امیر‌لیگی مکتب‌لر آچیلیشی اوچون مناسب شرایط یره‌تیلیشی خصوصیده سعی و حرکت قیلماقده.
دایکندی معارف ریاستی تامانیدن ارائه بولگن آمار اساسیده، بو ییل اوشبو ولایت مکتب‌لریدن قریب ۶۰۰۰ قیز و اوغیل اووچی فارغ بولگن. دایکندی ۶-صنف‌دن یوقاری قیز اوقووچیلر یوزی گه مکتب‌لر ایشیگی باغلنمه‌گن ولایت‌لردن بیری دیر.
دایکندی ده ۱۲-صنف‌دن فارغ بولگن ممتاز قیز و اوغیل اوقووچیلر شونده‌ی بیرحالده تقدیر بولگن‌لر که، مملکت‌ده اسلام امیر‌لیگی نینگ قدرت گه ایریشگنی بیلن آلیتنچی صنف‌دن یوقاری قیز اوقووچیلر یوزی گه مکتب‌لر ایشیگی یاپیلیب و ینگی‌لیکده تعلیمی مرکز‌لر و بیلیم یورت‌لر هم نامعلوم وقت‌گچه یاپیلگن دیر.
