اوشبو ییغین فاریاب مرکزی میمنه شهری ده ایکی ولایت نینگ مدنی فعاللری، بیلیم یورت اوقیتووچیلری، ضیالی‌لری و حکومت رسمی‌لری اشتراکی بیلن یولگه قوییلدی.
مذکور برنامه تشکیلاتچیلریدن بریالی عمرزی نینگ ایتیشیچه، اوشبو برنامه «صدای مردم» مؤسسه‌سی تامانیدن یولگه قوییلگن.
جناب عمرزی گه کوره، «صدای مردم افغانستان» مستقل و افغان محور بیر پروگرام دیر که صلح برقرار ایتیلیشی، اهالی و نظام آره‌سیده‌گی فاصله‌لرنی کمه‌یتیریش مقصدیده سعی و حرکت قیله‌دی.
بیزلرنینگ فیسبوک صحیفه‌میزگه باش اورینگ!
بریالی عمرزی نینگ ایتیشیچه، مذکور پروگرام مصلحتی، تدقیقاتی و همه پرسی ییغین‌لر آرقه‌لی، مملکت بویلب آدم‌لر نینگ فکر_ملاحظه‌لری، قیینچیلیکلری، خواست‌لری و خواطرلرینی ییغیب حکومت بیلن شریک قیله‌دی و عکسینچه مسئوللر نینگ اقدام‌لرینی اهالی بیلن پایلشه‌دی.
مذکورمردمی ییغینده فاریاب ولایتی مقامی دفتری نینگ باشلیغی امیرمحمد حقانی گه کوره، بو گَل برنامه‌لر مردم و دولت آره‌سیده‌گی فاصله‌لرنی کمه‌یتیره‌دی.
جناب حقانی نینگ ایتیشیچه: «مملکت ترقیاتی و آبادانچیلیگی اوچون یولگه قوییله‌دیگن برنامه‌لرنی خوش قرشی له‌یمیز، چونکه فاریاب کبی ولایت‌لر کان نقطه‌ی نظردن بای بیر ولایت دیر، بیراق یاشلری ایش‌سیز، حاضرگی قیینچیلیکلردن قوتیلیش اوچون بحث ایتیلیشی کیره‌ک.»
بیزلرنینگ توییترده هم تعقیب قیلینگ!
فاریاب یاشلریدن بولمیش رحمت‌الله ادیب گه کوره، اسلامی امارت حکومتی مملکت ترقیاتی و آبادانچیلیگی اوچون یاشلر گه سهم بیریب و اوشبو یاش قشردن اعظمی شکلده فایده‌لنیشی لازم.
اوشبو برنامه ده، اهالی قیینچیلیکلری ییغیلیب حکومت مسئوللری بیلن شریک قیلینه‌دی.
