مملکتده‌گی سونگی اوروش‌لر، فاریاب ولایتی اکثر تومن‌لریده مکتبلر نینگ بناسینی بوزگن. اولر ارا خواجه سبزپوش تومنی معارفی ایچکی اوروش‌لر باعث قتیق زیان کوریب و هیچ بیر مکتبی نینگ بناسی آباد قالمه‌گن.
فاریاب ولایتی خواجه‌سبزپوش تومنی معارف آمری مولوی سلمان نینگ ایتیشیچه، ایکی تامان ارا اوروش‌لر و هوا هجوم‌لری نتیجه‌سیده، اوشبو تومن بویلب قیز و ایرکک اوقووچیلری نینگ بوتون مکتب‌لری بناسی بوزیلگن.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه، یقینده ینگی تعلیم ییل باشلنه‌دی، بیراق مذکور تومن بویلب قیز و ایرکک اوقووچیلری گه عاید ۲۷ مکتب بناسی بوزیلیب و هیچ بیر مکتب آباد قالمه‌گن.
خواجه‌سبزپوش تومنی معارف آمری نینگ کوپه‌یتیریشیچه، اوقووچیلرنی سبق بیریش اوچون اوشبو تومن معارفی‌ده هیچ قنده‌ی امکانیت یوق، و قوم بویوک‌لری نینگ اویغون‌لیگی بیلن، اوقووچیلرنی اوی‌لر گه سبق بیریش مقصدیده سعی-حرکت قیلماقده‌لر.
مذکور تومن قوم بویوک‌لریدن خدایار نینگ ایتیشیچه، فرزندلریمیز کیله‌جگی اوچون خواطرده میز، نیچه مراتبه باغلیق اداره لرگه مراجعت قیلدیک، لیکن اوشبو تومن معارفی خصوصیده هیچ قنده‌ی همکارلیک بولمه‌گن.
اوشبو قوم بویوکی نینگ ایتیشیچه، یقینده ینگی تعلیمی ییل باشلنه‌دی، بیراق فرزندلری اوچون هیچ قنده‌ی سبق اوقیش امکانیتی یوق و فرزندلری تقدیرسیزلیک بیلن روپه‌رو دیر.
اوشبو تومن نینگ باشقه یشاوچیلریدن بیری خال‌محمد گه کوره، معارف وضعیتی گه دقت بولمه‌گن تقدیرده، فرزندلری سواد سیز جامعه گه تقدیم بوله‌دیلر.
او دنیا هم‌جمعیت‌دن، مکتبلر نینگ بنالرینی قوریش و اوقووچیلرنی قوللب قوتلش مقصدیده یاردم بیریشینی طلب قیله‌دی.
بیزلرنینگ توییترده هم تعقیب قیلینگ!
شو بیلن فاریاب معارف باشلیغی سید حفیظ‌الله، خواجه‌سبزپوش تومنی بویلب مکتبلر نینگ بناسی یوق‌لیگینی تصدیقلب ایتیشیچه، حاضرگی کونده اوشبو ولایتده ۲۰۰ مکتب بناسیز دیر.
عین‌حالده، مملکت نینگ تورلی ولایت‌لریده مکتبلر نینگ بناسیزلیگی و درسی امکانیت سیزلیک، هردایم اوقووچیلر و اوقیتووچیلرنی قیین‌چیلیککه روپه‌رو قیلگن. گرچند سابق دولت رسمی‌لری درسی امکانیت یره‌تیش و ینگی مکتبلر قوریلیشیدن ایشانچ بیلدیرگن ایدیلر، لیکن حاضرگچه بو توغریده کمچیلیکلر موجود دیر.