اروپا قهرمانلر لیگی پلی‌آف حذفی باسقیچی‌ده رئال مادرید منچسترسیتی گه غلبه قازاندی.
اوشبو مسابقه ۲۳-دلو، سه‌شنبه‌دن چهارشنبه گه اوتر کیچه، کابل وقتی بیلن ساعت ۱۲:۳۰ده، اتحاد کلوبی‌ده منچسترسیتی میزبانلیگی بیلن اوتکزیلدی.
بیزلرنینگ فیسبوک صحیفه‌میزگه باش اورینگ!
اوشبو مسابقه‌ده منچستر سیتی کلوبی‌نینگ نروژلیک فوتبال یولدوزی ارلینک هالند ۱۹-دقیقه، رئال مادرید کلوبی‌نینگ فرانسه‌لیک فوتبال یولدوزی کیلیان امباپه ۶۰-دقیقه، شونینگدیک ارلینک هالند ۸۰-دقیقه (پنالتی)، رئال مادرید اویینچیسی رودریگو اورنیده مسابقه‌ده کېرگن براهیم دیاز ۸۶-دقیقه و نهایت رئال مادرید اویینچیسی جود بلینگام ۹۳-دقیقه‌ده گل اوریش گه اولگوردیلر.
بو مسابقه‌دن باشقه برست ۳-۰ حسابی بیلن پاری‌سن ژرمن برابری‌ده مغلوب، یوونتوس ۲-۱ حسابی بیلن پی‌اس وی آیندهوون گه غلبه قازانیب و اسپورتینگ فوتبال جماعه‌سی هم ۳-۰ حسابی بیلن دورتموند برابری‌ده مغلوبیت گه تن بیردی.
بیزلرنینگ «ایکس» ترماغی ده هم تعقیب قیلینگ!
رئال مادرید حاضرگه قدر بو لیگ‌ده ۱۵ مرته و منچسترسیتی هم بیر مرته قهرمان بولگنلر.
