ایچکی ایشلر وزیرلیگی نینگ سوزلاوچیسی عبدالنافع تکور، کابل شهری نینگ آلتینچی خوفسیزلیک حوزه‌سی، دارالامان سرکی ده «سه‌راهی علاءالدین» ساحه‌سیده جایلشگن «خلیفه صاحب» اسملی خانقاه ایچیده پارتلش یوزبیریشینی تصدیقلب و حادثه ده تلفات بولگنینی ایتگن.
بیزلرنینگ فیسبوک صحیفه‌میزگه باش اورینگ!
ایچکی ایشلر وزیرلیگی سوزلاوچیسی نینگ کوپه‌یتیریشیچه، دستلبکی نتیجه‌لر اساسیده حاضرگچه قریب ۲۰ کیشی اولیب و یره‌لنگن. جناب تکور اولگن و یره‌لنگنلر رقمینی بیللی قیلمه‌گن.
اونگه کوره، جمعه نمازی ادا ایتیلیشیدن ایکی ساعت‌دن کیین خانقا ایچیده پارتلش یوز بیرگن. بیراق ایچکی ایشلر وزیرلیگی نینگ سوزلاوچیسی بوتوغریده کوپراق معلومات بیرمه‌گن.
بیزلرنینگ توییترده هم تعقیب قیلینگ!
باشقه تاماندن، حادثه گواه‌لری مذکور پارتلش تلفاتینی ذکر بولگن رقم‌دن کوره کوپ دیدیلر. اوشبو پارتلش مسئولیتینی حاضرگچه هیچ بیر گروه یا کیشی اوز زمه‌سیگه آلمه‌گن.
