هلمند ده بیر قطار تولیدی کارخانه‌لر مسئوللری‌نینگ ایتیشلریچه، برق کملیگی و تشقی بازارلرگه قول تاپه آلمسلیک، توار ایشلب چیقریش و صادر قیلیش پروسه‌سینی قیین‌چیلیک بیلن روپه‌ره قیلگن.
اولر‌گه کوره، ایشلب چیقریلگن توارلر‌نینگ یالغیز پاکستان گه صادر بولیشی اوشبو کارخانه‌لرنینگ یخشی شکلده رواجلنمسلیگی‌گه سبب بولگن.
بیزلرنینگ «ایکس» ترماغی ده هم تعقیب قیلینگ!
هلمند ده یاغ ایشلب چیقرووچی کارخانه مسئولی معروف نیازی‌نینگ ایتیشیچه: «قیین‌چیلیکلریمیز کوپ دیر، سالیق و تکس هم کوپ بوله‌دی. سرپرست حکومت‌دن بیزلر گه تشقی بازاری یره‌تیلیشی‌نی ایسته‌یمیز. حاضر یالغیز پاکستان گه صادر بوله‌دی.»
شونینگدیک بو ولایت‌ده پخته ایشلب چیقرووچی کارخانه مسئولی ذبیح‌الله‌نینگ ایتیشیچه: «تولید‌لریمیز کوپ؛ بیراق اساسی قیین‌چیلیگی‌میز برق دیر. برق کم دیر، برق بولگنی صورت‌ده حتا ۲۴ ساعت تولید قیله آله‌میز. افغانستان بویلب اون تامین قیلیش امکانیتی‌گه ایگه‌میز، لیکن برق کملیگی سبب مشتری‌لر احتیاجی نی تامین قیله آلمه‌یمیز.»
هلمند صناعت و سوداگرلیک ریاستی مسئوللری، اوشبو ولایت‌ده کارخانه‌لر ایگه‌لری‌نینگ قیین‌چیلیگی‌نی تصدیق‌لب و ایتیشیچه، اونینگ حل قیلینیشی مقصد سعی‌وحرکت باشلنیب و تشقی بازارلرده هلمند ده‌‌گی کارخانه‌لر‌ده ایشلب چیقریلگن نرسه‌لرنینگ ساتیلیش زمینه‌سی یره‌تیلیشی ممکن.
بیزلرنینگ فیسبوک صحیفه‌میزگه باش اورینگ!
بو توغریده هلمند صناعت و سوداگرلیک ریاستی اورین‌باسری فضل‌محمد فضلی‌نینگ ایتیشیچه: «بو قیین‌چیلیک بار. صناعتچیلر شکایتلرینی شریک قیلگنلر، بیراق بو توغریده وزیرلیک بیلن گپ‌لشگن‌میز و پیشنهادلرنی بیرگن‌میز که اونینگ اساسیده، ینگی‌لیکده بیر قراداد امضالنگن.»
هلمند صناعت و سوداگرلیک اتاقی معلوماتی اساسیده، حاضر ایسه هلمند ولایتی‌نینگ تورلی بولیم‌لریده ۱۵۰ تولیدی ایش‌خانه‌نینگ فعالیتی بار.
