افغانستان ده برق انرژی‌سی نینگ تولید قیلیش اوچون کوپینچه منبع‌لر موجود بولگنی بیرحالده، بیراق اوشبو مملکت نینگ برق خصوصیده‌گی نیازلری، وارداتی برقدن تامین بوله‌دی.
برشنا شرکتی نینگ معلوماتی اساسیده، اوشبو مملکت برقی نینگ ۷۸ فایزی وارداتی دیر و نیاز بولگن برق نینگ یالغیز ۲۲ فایزی ایچکی منبع‌لردن ایشلب چیقاریله‌دی.
شونده‌ی بیرحالده، برشنا شرکتی مسئوللری نینگ ایتیش‌لریچه، افغانستان اهالی‌سیدن یالغیز ۳۸ فایزی برقدن فایده‌لنگنلر.
بوگون اوشبو شرکت مسئوللری تامانیدن یولگه قوییلگن خبری کنفرانس‌ده برشنا شرکتی نینگ عملیاتی رئیسی صفی‌الله احمدزی نینگ ایتیشیچه: «اهالی نینگ برقدن فایده‌لنگنی خصوصیده صحبت قیلنیمیز صورت‌ده، بو نی بیان قیلیشیم کیره‌ک که افغانستان اهالی‌سیدن یالغیز ۳۸ فایزی برق گه قول تاپه آلگنلر.»
بیزلرنینگ فیسبوک صحیفه‌میزگه باش اورینگ!
اوشبو کنفرانس‌ده برشنا شرکتی نینگ بیر ییل‌لیک گزارشی هم ارایه بولگن که حاضر ایسه مملکت ۳۸۰ میگاوات برق کملیگی بیلن روپه‌ره دیر.
مذکور شرکت مسئوللری گه کوره، افغانستان ۱ مینگ و ۲۲۰ میگاوات برق گه نیاری بار که او آره‌ده، یالغیر کمیده ۸۴۰ میگاوات برق قوشنی مملکت‌لردن وارد بولیب یا-ده ایچکی تولید‌لردن تامین بوله‌دی.
شونده‌ی بیرحالده، برشنا شرکت مسئوللری مملکت بویلب برق بهاسی نینگ بیر برابر بولیشی خصوصیده بیر طرح نینگ قولگه آلینگنیدن خبر بیره‌دیلر.
اوشبو شرکت مسئوللری گه کوره، مذکور طرح انرژی و سوو وزیرلیگی بیلن شریک بولگن و کابینه تصویب قیلگنیدن کیین عمل گه آشیریلیشی ممکن.
شونینگدیک باشقه بیر خبری کنفرانس‌ده سوو و انرژی وزیرلیگی مسئوللری بیر ییل‌لیک گزارشلرینی ارایه قیلیش بیلن ایتگنلر که، مذکور وزیرلیک انرژی ایشلب چیقاریش و سوو مدیریتی اوچون تورلی پروژه‌لر نینگ قولگه آلگن.
بیزلرنینگ توییترده هم تعقیب قیلینگ!
اوشبو وزیرلیک مسئوللری بودیجه کملیگی بیلن روپه‌ره بولگنلری نی قبول قیلیب بیراق ایتیش‌لریچه، اولر برنامه‌لری نینگ تطبیق قیلیش اوچون سعی و حرکت قیله‌دیلر.
بو توغریده سوو و انرژی وزیرلیگی نینگ انرژی برنامه‌لر ریاست رئیسی فرهاد محمودی نینگ ایتشیچه: «قیغو بیلن بیزلر بودیجه کملیگی بیلن روپه‌ره میز، لیکن بودیجه یوقلیگی ایش قیلمه‌ی آرام اولتیریشی‌میز گه سبب بولگنی یوق. خوش خبر شو که، اوشبو کنفرانس گه شرکت قیلیش اوچون کمیده ۲۰۰ شرکت پیشنهاد بیرگن و مذکور کنفرانس‌ده ۱۳۲ پروژ پیشنهاد بیریله‌دی.»
افغانستان وارداتی برقی نی تاجیکستان، ترکمنستان، ایران و اوزبیکستان مملکت‌لریدن وارد قیله‌دی که سیاسی اوزگریش‌لر، اقتصادی قیین‌چیلیک‌لر و بانکی سیستم نینگ بوزیلیشی گه سبب بولیب و افغانستان برقی نینگ تامین قیلووچی مملکت‌لر گه برق وارداتی و پول توللش بولیمی‌ده قیین‌چیلیک اورته گه کیلتیرگن.