اسلامی امارت سرپرست حکومتی ینگی‌لیکده بیر مکتوب آرقه‌لی انسان حقوقی مستقل کمیسیونی نینگ اداری و خدماتی تشکیلاتی، اساسی قانون تطبیقی گه نظارت قیلووچی کمیسیونی، عالی مصالحه کینگشی، ملی خوفسیزلیک کینگشی و نماینده‌لر و سنا مجلس دارالانشا‌لری نی اورته‌دن کیتکزگن.
مذکور نهاد‌لر نینگ اورته‌دن کیتگنی، ۶ مینگ گه یقیین ایشلاوچی نی نابیللی تقدیرده قرار بیرگن. مذکور ایشلاوچیلردن قطاری نینگ ایتیش‌لریچه، اوشبو نهاد‌لر ینگی‌لیکده اورته‌دن کیتگن؛ بیراق اولر نیچه ایدن بیری معاش قولگه کیلتیرمه‌گنلر.
نماینده‌لر مجلسی نینگ دارالانشا سابق ریاست رئیسی عبدالقادر زازی نینگ سلام‌وطندار گه ایتیشیچه، اوشبو نهاد‌ده ۱ مینگ ملکی بولیمیده‌گی ایشلاوچی، ۵۰۰ حربی ایشلاوچی و ۲ مینگ قراردادی ایشلاوچی ایش قیله‌ر ایکن، بیراق حوت آیی‌دن بیری اولر معاش آلمه‌ی و نابیللی بیر تقدیرده قرار تاپگن ایکنلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بیر اداره نینگ اورته‌دن کیتکزیش یخشی بیر ایش ایمس و بو ایش ییگیت‌لر اوچون سلبی بیر پیغام دیر چونکه اولر نینگ ایشانچ‌لریگه کوره، تحصیل فایده‌سیز دیر.»
شونده‌ی بیرحالده، سنا مجلس اداره‌سی نینگ سابق مسئوللریدن بیری کیم‌لیگی نینگ سِر قالیش نی ایسته‌ب سلام‌وطندار گه ایتیشیچه، اوشبو اداره فعالیتی نینگ توخته‌گنی، کمیده ۱۵۰۰ کیشی نی یامان اقتصادی وضعیت‌ده قرار بیرگن.
اونینگ ایتیشیچه: «حاضر ایسه اولر معاش‌سیز حیات کیچیره‌دیلر، حیات کوپ قیین دیر. بلکیم بوگون ایسه نان‌لری هم یوق دیر. اولر کوپ فقیرلر، قیین‌چیلیک بیلن روپه‌رولر و معاش‌سیز حیات کیچیره آلمه‌یدیلر.»
اساسی قانون تطبیقی گه نظارت قیلووچی کمیسیونی‌دن بیر منبع نینگ سلام‌وطندار گه ایتیشیچه، اوشبو نهاد نینگ ۹۱ ایشلاوچیسی حیات‌لریده‌گی دستلبکی نیازلری نی تامین قیله آلمه‌یدیلر و قیین بیر وضعیت‌ده حیات کیچیره‌دیلر.
شونینگدیک انسانی حقوق مستقل کمیسیونی نینگ سابق ایشلاوچیلریدن بیری نینگ ایتیشیچه، مذکور نهاد فعالیتی نینگ توخته‌گنی بیلن، کمیده ۴۵۰ ساحوی و ولایتی ایشلاوچی ایشلری نی قولدن بیرگنلر. شونینگ کبی ملی خوفسیزلیک کینگشی و ملی مصالحه عالی کینگشی نینگ ایشلاوچیلریدن اونلرچه‌سی نابیللی تقدیرده قرار تاپگنلر.
باشقه بیر تاماندن، اورته‌دن کیتگن اداره‌لر ایشلاوچیلریدن قطاری، اسلامی امارت سرپرست حکومتی نینگ قراری گه قرشی شکایت قیلیب و ایتیش‌لریچه، اسلامی امارت قدرت گه ایریشگنیدن کیین، ایشلری نی قولدن بیرگنلر و عایله خره‌جتلری نی تامین قیلیش گه قادر ایمسلر.
اورته‌دن گیتگن اداره‌لر ایشلاوچیلریدن بیری تمنا نینگ سلام‌وطندار گه ایتیشیچه: «اوی نینگ نان کیتیرووچیسی ایدیم، اوی مصرف‌لری مینی بوینیم گه ایدی و عایله‌ده ۸ کیشی ایدیک. حاضر کرایی بیر اویده حیات کیچیره‌میز و اوچ آیدن بیری کرایه نی بیره‌آلمه‌گن مین.»
بیزلرنینگ توییترده هم تعقیب قیلینگ!
بیراق اسلامی امارت سوزلاوچیسی اورین‌باسرلریدن انعام‌الله سمنگانی نینگ ایتیشیچه، انسان حقوقی مستقل کمیسیونی نینگ اداری و خدماتی تشکیلاتی، اساسی قانون تطبیقی گه نظارت قیلووچی کمیسیونی، عالی مصالحه کینگشی، ملی خوفسیزلیک کینگشی و نماینده‌لر و سنا مجلس دارالانشا‌لری نینگ فعالیت‌لری یوقلیگی باعث، اورته‌دن کیتگن.
اونینگ کوپه‌یتیریشیچه: «قویاش ۱۴۰۱_ییل نینگ ملی بودیجه‌سی واقعیت‌لر اساسیده ترتیب بولگن؛ چونکه اداره‌لردن بیر قطاری گه نیاز ایمس ایدی و اولر نینگ فعالیت‌لری یوق ایدی و اولر گه بودیجه‌ده سهم بیریلمه‌گن ایدی، او یوزدن اورته‌دن کیلتگن و کیله‌جکده قیته فعال بولیشی ممکن.»
بیرینچی مرته ایمس که اسلامی امارت تامانیدن دولتی ادره‌لر اورته‌دن کیتگن، بلکیم بوندن آلدین هم مستقل سیلاو کمیسیونی، سیلاو شکایتلر کمیسیونی و عیاللر وزیرلیگی شامل باشقه اداره‌لردن قطاری حکومت‌ده حذف بولگن.