صربستانلیک دیجان دیدوویچ، افغانستان فوتبال فدراسیونی مسئوللری تامانیدن، افغانستان فوتسال ملی تیرمه جماعهسی باش مربیسی صفتیده ایتیب تعیینلندی.
افغانستان فوتبال فدراسیونی، بوگون (۳ سرطان/۲۴ جون، چهارشنبه) فیسبوک صحیفهسیده بیر بیانیه ترقهتیب، دیجان دیدوویچ مطبوعاتی ییغیلیشده افغانستان فوتبال فدراسیونی رهبریتی و مملکت فوتسال کمیتهسی اعضالری اشتراکیده، رسمی طرزده افغانستان فوتسال ملی تیرمه جماعهسی ینگی باش مربیسی صفتیده اییتیب تعیینلنگنینی بیلدیردی.
دیدوویچ بوندن ایلگری، تاجیکستان و صربستان ملی تیرمه جماعهلرینی باشقرگن. شونینگدیک او صربستان عالی لیگهسیده هم فعالیت یوریتگن.
ایتیلیشیچه، افغانستان فوتبال فدراسیونی دیجان دیدوویچ بیلن میلادی ۲۰۲۸ ییلگچه شرطنامه امضالهگن.
بوندن اول، مجید مرتضایی افغانستان فوتسال ملی تیرمه جماعهسی باش مربیسی ایدی.
