سلام‌وطندار خبرچیسی سرور هاشمی، بوگون «افغانستان خاتین قیزلر جنبشی» اعتراض‌لرینی قاپلش اوچون اوچون معارف وزیرلیگی یقینیده بارگن ایدی، اسلامی امارت کوچلری تامانیدن قولگه آلیندی.
هاشمی نینگ ایتیشیچه، معارف وزیرلیگیده آلتی ساعت‌دن آرتیق تیرگاو بولیب و اونگه علاوه، مذکور وزیرلیک نینگ اتاق‌لریدن بیری‌ده کمیده بیر ساعت توتقینلنگن.
بیزلرنینگ فیسبوک صحیفه‌میزگه باش اورینگ!
سلام‌وطندار خبرچیسی نینگ کوپه‌یتیریشیچه، اعتراض محلی‌ده باریش دلیلی باره‌سیده معلومات بیریش و سوزلرینی اثباتلش اوچون خبرنگارلیک وسیله‌لری گه بی فرق یانده‌شیلیب و سلام‌وطندار دفتری مسئول‌لری بیلن موضوع‌نی شیریک قیلیش گه رخصت بیریلمه‌گن. هاشمی نینگ اورغولشیچه، قریب ۶ ساعت تیرگاو و اوشبو اداره بیلن اسلامی امارت استخبارات مسئول‌لری نینگ علاقه‌سیدن کیین، قویباریلگن.
سلام‌وطندار خبر بولیمی مدیری گل‌محمد گران، اسلامی امارت استخباراتی نینگ بو حرکتیدن خواطر بیلدیریب ایتیشیچه، میدیا ایشلریدن خبرچیلر منع ایتیلیشی، ییتکیرمه و خبرچی‌لیک ایشلری اوستیگه سلبی تاثیر قیله‌دی. او اسلامی امارت‌دن، میدیا فعالیتلری گه توسیق بولیش اورنیده اولر بیلن همکارلیک قیلیش‌لرینی طلب قیله‌دی.
عین‌حالده، ژورنالیست‌لر فدراسیون عضوی مسرور لطفی، اطلاعات گه قول تاپیش‌نی هر بیر خبرچی نینگ حقی دیب ایتیشیچه، اوشبو آدرس‌دن هر کیمسه نینگ آلدی آلینیشی، اطلاعات گه قول تاپیش قانونی انیق ایاغ آستی قیلینیشی حسابلنه‌دی.
بیزلرنینگ توییترده هم تعقیب قیلینگ!
اونگه کوره، خبرچیلر حبس گه آلینیشی و اوشبو وضعیت گه چیک قوییش اوچون اقدام بولمسلیک، خبرچی‌لرنی ایشلریدن زیریکتیریب و یامان عاقبت‌لر گه سبب بولیشی ممکن. ژورنالیست‌لر فدراسیون عضوی اسلامی امارت رسمی‌لریدن، ژورنالیست‌لر اوچون اطلاعات گه قول تاپیش خصوصیده قولی‌لیک یره‌تیب و اولر بیلن همکارلیک قیلیش‌لرینی سوره‌یدی.
بوتوغریده اسلامی امارت رسمی‌لری نینگ فکر-ملاحظه‌سینی اورگه‌نیشنی ایسته‌دیک؛ لیکن موفق بولمه‌دیک.
بو عین‌حالده، بوندن آلدین، خبرچیلر اعتراض و ناراضی‌لیک نمایش‌لرنی قاپلش کیزیده، اسلامی امارت کوچلری تامانیدن قولگه آلینیب و اولردن قطاری زوروانلیککه روپه‌رو بولیشگن.
