جمهورلیک ریاستی بیرینچی اورین باسری امرالله صالح نینگ ایتیشیچه، اساسی قانون و اهالی نینگ آواز بیریش حقی خصوصیده هیچ‌قنده‌ی معامله قابل قبول ایمس.
جمهورلیک ریاستی نینگ بیرینچی اورین باسری، اوشبو موضوعی بوگون “دوشنبه” مارشال محمدفسیم فهیم نینگ وفاتی‌نی ۷- لیگی دن نشانلش اوچون یولگه قوییلگن مراسمده بیان قیلگن.
جناب صالح نینگ آمریکا تشقی ایشلر وزیرلیگی نامه‌سیگه اشاره قیلیب ایتیشیچه، افغانستان اوشبو مملکت بیلن بولگن رابطه‌گه حرمت قیله‌دی، لیکن هیچ‌قنده‌ی شرایط ده افغانستان اهالیسی نینگ آواز بیریش دن محروم قیلیش‌گه هیچ کیم نینگ حقی یوق دیر.
اونینگ کوپه‌یتیریشیچه، غرب و آمریکا افغانستانده بولگن حربی‌لری خصوصیده قرار قیله آله‌دی، لیکن افغانستان ۳۵ میلیون جمعیتی نینگ مشروع حقی خصوصیده معامله قیلیش ناممکن دیر.
جناب صالح نینگ ایتیشیچه: «طالبان سیلاو خصوصیده بیز بیلن کیلیشگن حالده، بیز اونینگ تاریخی خصوصیده صحبت قیله آله‌میز. لیکن نظام و بیزنینگ یوتوق‌لریمیز و اهالی نینگ حقی خصوصیده هیچ‌قنده‌ی معاله قبول قیلینمه‌یدی.»
اوشبو مراسمده ملی مصالحه کینگشی باشلیغی عبدالله عبدالله نینگ ایتیشیچه، افغانستان تینچلیک جریانی بوییچه آمریکا خاص نماینده‌سی زلمی خلیلزاد نینگ سفریدن ایکی کون آلدین آمریکا نینگ کابلده‌گی ایلچی‌لیگی نینگ نماینده‌سی اوشبو نامه‌نی اولرگه تاپشیرگن ایدی.
ملی مصالحه کینگشی باشلیغی نینگ ایتیشیچه، اوشبو نامهدن دفاع قیلمه‌یدی، لیکن اونملی موضوع‌لر اوشبو نامه‌ده کیریتیلگن دیر.
جناب عبدالله نینگ کوپه‌یتیریشیچه، هیچ‌کیم و هیچ نرسه‌نی افغانستان اهالی اوستیگه تحمیل قیله آلمه‌یدی، بیراق نفاق و تبعیض سبب، هر نرسه بیرنینگ اوستی‌میزگه تحمیل ایتیلگن.
ملی مصالحه کینگشی باشلیغی نینگ تاکید قیلیشیچه، آواز بیریش حقی اساسی یوتوقلردن بیری دیر و معامله قیلینمه‌ییشی کیره‌ک.
آمریکا تشقی ایشلر وزیری بیر نامه آرقه‌لی افغانستان جمهور رییسی‌دن افغانستان وضعیتی خصوصیده سیاسی حل یول تاپیش و تینچلیک جریانی نتیجه بیریشی اوچون سعی و حرکت قیلیشی‌نی سوره‌گن.