دایکندی ده‌گی منبع‌لر و محلی ییتکیرمه‌لر نینگ ایتیشلریچه، ایکی کوندن بویان شهرستان، میرامور خدیر تومن‌لری و دایکندی مرکزی ده کوچلی سوو تاشقین‌لری و یامغیر یاغیشی باعث، اوشبو تومن‌لر نینگ یشاوچیلری گه آغیر مالی زیان ییتکیزگن.
دایکندی محلی میدیالری، مذکور ولایت امنیه قوماندان‌لیگی سوزلاوچیسی غلام‌علی جاوید دن نقل قیلیب گزارش بیریشلریچه، اوتگن کون توش دن سونگ (سه‌شنبه، ۴ اسد) شهرستان تومنی «سیاه‌قولک لرگر» قیشلاغیده ۱۱ یاشر بیر قیز سوو تاشقینی باعث جان بیرگن.
بیزلرنینگ فیسبوک صحیفه‌میزگه باش اورینگ!
دایکندی امنیه قوماندان‌لیگی سوزلاوچیسی نینگ ایتیشیچه، اوشبو تومن یشاوچیلری کوپ سعی و حرکت‌لردن کیین، بوگون ایرته‌لب مذکور یاش قیزنینگ جسدینی لای ایچیدن تاپیب چیقرگنلر.
میرامور، خدیر تومن‌لری و دایکندی مرکزی ده‌گی محلی منبع‌لر نینگ ایتیشلریچه، ایکی کوندن بویان مذکور تومن‌لرده یامغیر یاغیشی و سوو تاشقینی طفیلی اونلب چاروا تلف، نیچه یشش اوی، و یوزلرچه ایکینچیلیک ییر، ثمره‌لی و ثمره‌سیز درخت‌لر، سوو اریغ‌لری، سرک و کوپریکچه‌لر بوزیلگن.
خدیر تومنی «پشتروق» قیشلاغی یشاوچیسی حسین نینگ ایتیشیچه، اوتگن کوندن بویان یامغیر یاغیشی و سوو تاشقینی باعث اوشبو تومن اهالیسی و بو تومن نینگ باشقه قیشلاق یشاوچیلری مالی زیان کورگنلر که تیز یاردم گه نیازمندلر.
بیزلرنینگ توییترده هم تعقیب قیلینگ!
باشقه تاماندن، بامیان ولایتی ورس تومنی ده‌گی محلی منبع‌لر گه کوره، مذکور تومن نینگ قطار قیشلاق‌لریده یامغیر یاغیشی و سوو تاشقینی، تومن یشاوچیلری گه مالی آغیر زیان ییتکیزگن.
دایکندی و بامیان ولایت‌لریده سوو تاشقینی باعث زیان کورگنلر نینگ ایتیشلریچه، محلی مسئوللر و یاردم بیرووچی نهادلر حاضرگه قدر اولر نینگ قیینچیلیکلری حلی اوچون اقدام قیلمه‌گن. گرچند دایکندی محلی میدیالری نینگ گزارشی اساسیده، مذکور ولایت نینگ طبیعی حادثه‌لرنی باشقریش ریاستی، دایکندی ولایتیده سونگی سوو تاشقینی باعث مالی و جانی زیان‌لر حقیده اوز تیکشیریش‌لرینی باشله‌گن.