دایکندی ده‌گی باغ‌دارلردن قطاری، اوریک نینگ سنتی اسلوب‌لردن قوللنیب قوریتیشلری نی بیان قیلیب و ایتیشلریچه، بو میوه نینگ قوریتیلیشی اوچون سنتی اسلوب‌لردن قوللنیش، محصوللری نینگ صفتینی کمه‌یتیرگن.
مذکور ولایت باغدارلریدن بیری اکبر نینگ ایتیشیچه، ییل‌ده قریب ۱۰۰ سیر اوریک قوریتشی بیرحالده؛ بیراق اونینگ ساتیلیشیدن یخشی بیر درآمد قولگه کیلتیرمه‌یدی. اونینگ کوپه‌یتیریشیچه: «باغ‌دارلیک نینگ درست و ستندرد اسلوب‌لرینی بیلمه‌یمیز؛ بو موضوع زحمت‌لریمیز نینگ نتیجه‌سیز بولیب، صفت‌سیز اوریک تولید بولیشی و آز قیمت گه ساتیلیشی گه سبب بولگن.»
بیزلرنینگ «ایکس» ترماغی ده هم تعقیب قیلینگ!
دایکندی ولایتی میرامور تومنی‌ده‌گی باغ‌دارلردن علی‌خان نینگ ایتیشیچه، اوریک نینگ قوریلیشی اوچون سنتی اسلوب‌لردن قوللنیش، بو میوه صفتینی کمه‌یتیره‌دی. «اوریک نی جال اوستیگه تشله‌ب و قویاش آستیگه قویه‌میز؛ قوریگنی پیتده اونی ییغه‌میز. منطقه‌میزده اونینگ قوریتیلیشی اوچون بیر دستگاه یوق.»
مذکور باغدارلر دایکندی ایکینچیلیک، سووغاریش و چاوره‌چیلیک ریاستی‌دن اولر گه اوریک نینگ ییغیلیشی و قوریتیلیشی اوچون اوسکونه‌لر خصوصیده همکارلیک قیلینیشینی ایسته‌گنلر.
باشقه بیرتاماندن، دایکندی ده قوروق میوه ساتووچیلردن قطاری نینگ ایتیشلریچه، اوشبو ولایت‌ده قوریتیلگن اوریک نینگ ستندردسیز شکلده پاکت‌لنیشی سبب، یخشی بازار گه ایگه ایمس.
دایکندی مرکزی نیلی شهریده‌گی قوروق میوه ساتووچیلردن سرور نینگ ایتیشیچه: «دایکندی ولایتی اینگ یخشی اوریککه ایگه دیر؛ لیکن اینگ یامان قوریتیلگن اوریک نی تولید قیله‌دی. چونکه امکانیت‌لر درست ایمس و اهالی اوریک برگه‌لرینی تام اوستیده قوریته‌دیلر که اوریک برگه‌لریگه چنگ-توپراق نینگ ییغیلیشی گه سبب بوله‌دی.»
بیزلرنینگ فیسبوک صحیفه‌میزگه باش اورینگ!
دایکندی ایکینچیلیک، سووغاریش و چاروه‌چیلیک ریاستی نینگ ایکینچیلیک بوییچه رواجلنتیریش مدیری سیدسلطان موسوی نینگ ایتیشیچه، مذکور وزیرلیک اوریک نینگ ایکیلیشی، ییغیلیشی و قوریتیلیشی اسلوب‌لرینی اورگه‌تیش اوچون سعی‌وحرکت قیلماقده. اونینگ کوپه‌یتیریشیچه: «اوتگن ییل‌لرده باغ‌دارلردن بیر قطاری تخنیکی تیملر و همکار موسسه‌لر تامانیدن تعلیم کورگنلر؛ تازه اوریک نی ساته آلمه‌گن باغ‌دارلردن قطاری، اونی قوریتیشلری کیره‌ک. باغدارلر ایسته‌گی اساسیده، اولر گه تعلیمی برنامه‌لرنی یولگه قویه‌میز.»
دایکندی ایکینچیلیک، سووغاریش و چاروه‌چیلیک ریاستی نینگ معلوماتی اساسیده، اوشبو ولایت‌ده ۹۰۰ مینگ‌دن آرتیق اوریک درختلری بار که ییل‌ده ۱۱ مینگ‌دن آرتیق تُن اوریک قولگه کیله‌دی. دایکندی ده تولید بولگن اوریک قوریق و تازه شکلده کابل، غزنی و قندهار ولایت‌لری گه یوباریله‌دی.
