قندوزده کوره‌ش مسابقه‌سی شمال و شمال‌شرق سپورتچیلری آره‌سیده یولگه قوییلگن. قندوز شهری سپین‌زر سپورت میدانیده اوشبو مناسبت بیلن اوتکزیلگن احتفال‌ده، قندوز حاکمی، دولت بیر قطار اداره‌لری نینگ باشلیغ‌لری، کوره‌ش فدراسیون عمومی رئیسی، یاش‌لر و اونلب سپورتچی اشتراک ایتگن ایدیلر.
قندوزده کوره‌ش فدراسیونی مسئول‌لری نینگ ایتیشلریچه، اوشبو رقابت‌لر جسمانی تربیه‌لش ریاستی و روشن مخابراتی کمپنیه‌سی نینگ مالی و تخنیکی همکارلیگی بیلن اولر تامانیدن مملکت شمال و شمال‌شرق سپورتچیلری آره‌سیده یولگه قوییلگن.
بیزلرنینگ فیسبوک صحیفه‌میزگه باش اورینگ!
قندوز کوره‌ش فدراسیون مسئولی محمد انور نینگ ایتیشیچه، اوشبو رقابت‌لر ایکی کون دوام تاپه‌دی، قندوز شامل مملکت نینگ ۱۱ ولایتیدن پهلوان‌لر بو رقابت‌لرده مبارزه قیله‌دیلر.
ایتیش کیره‌ک که اوشبو بیله‌شوو کون ایرته هم دوام تاپیشی کوتیله‌دی و سپورتچیلر مذکور رقابت‌لر مدالینی کسب ایتیش مقصد ایریم رده‌لرده مبارزه قیله‌دیلر.
بیزلرنینگ توییترده هم تعقیب قیلینگ!
