جمهورلیک ریاست ایشلر اداره‌سی باشلیغی فضل‌محمود فضلی، نماینده‌لر کینگش اعضالری تامانیدن الکترونیکی کیم‌لیک اوزگریش ریجه‌سی تصویب قیلنگنی گه عکس‌العمل کورسه‌تیب ایتیشیچه، مذکور کیم‌لیکلرنینگ ترقه‌تیش پروسه‌سیده هیچ قنده‌ی اوزگریش یا-ده توخته‌تیش کیلمه‌یدی.
جناب فضلی فیسبوک صحیفه‌سیده یازیشیچه، نماینده‌لر کینگشی نینگ قراری اساسیده هیچ بیر قانون اوزگرمه‌گن و شونینگدیک الکترونیکی کیم‌لیک ترقه‌تیش پروسه‌سیگه هم هیچ قنده‌ی اوزگریش و توخته‌تیش کیلمه‌گن.
اونینگ کوپه‌یتیریشیچه، الکترونیکی کیم‌لیک ترقه‌تیش پروسه‌سی نینگ اوتمیش کبی دوامی بار و تقاضاچیلر کیم‌لیک ترقه‌تیش مرکزلریدن کیم‌لیک قولگه کیلتیره آله‌دیلر.
نماینده‌لر کینگشی اوتگن کون (چهارشنبه ۷- عقرب) عمومی ییغینیده الکترونیکی کیم‌لیک اوزگرتیلیشی خصوصیده بولگن نماینده‌لر کینگش اعضالریدن قطاری نینگ ریجه‌سینی تصدیقله‌دی.
اوشبو ریجه نماینده‌لر کینگشی نینگ ۶۰ اعضاسی آرقه‌لی امضاله‌نگن و اولر دولت ایشلاوچیلری، تقاعد قیلگن کیشی‌لر، ناگران‌لر و شهیدلر عایله‌لری نینگ معاشی ایسکی کیم‌لیک اساسیده اجرا بولیشی نی سوره‌شگن.
نماینده‌لر کینگش اعضاسی نیلوفر ابراهیمی اوشبو ریجه نی تویتر صحیفه‌سیده نشر قیلیب یازیشیچه، مذکور اوزگریش، مسئول اداره‌لر تامانیدن تعقیب بولیش اوچون ملی کینگش نینگ ایچکی امنیت کمیسیونی‌گه تاپشیریلگن.
عین‌حالده اوشبو ریجه اساسیده، کیم‌لیک نینگ راست تامانی گه آت، آته آتی، بوبه آتی، توغیلگن ییری، اصلی اقامت و حاضرگی اقامت مملکت نینگ رسمی تیل‌لریده یازیلیشی کیره‌ک و شونینگدیک انگلیسی محتویات هم فارسی و پشتو تیللریده‌گی کبی یازیلیشی کیره‌ک.
ایتیش کیره‌ک کیم، قویاش ۱۳۹۷- ییل‌دن بویان الکترونیکی کیم‌لیک ترقه‌تیش پروسه‌سی جمهور رئیس غنی نینگ بویروغی اساسیده دوام ایتماقده.
اوشبو تکلیف ایتیلگن ریجه اساسیده، ایسلنگن ریجه عمل گه آشیریلیشی گه قدر الکترونیکی کیم‌لیک نی ترقه‌تیش پروسه‌سی نینگ توخته‌تیلیشی لازم. انه شوحالده، نماینده‌لر کینگش اعضالریدن قطاری الکترونیکی کیم‌لیککه ملیت، ملت و دین آت‌لری یازیلمه‌سلیگی نی سوره‌شگن.
