بریتانیا سابق رسمی‌لری نینگ ایتیش‌لریچه، چیت‌ایللیک کوچلرنی افغانستاندن چیقیشی تروریستی شبکه‌لر اینیقسه القاعده نینگ قیته‌دن کوچلی بولیب و فعالیتگه باشله‌شی‌گه سبب بوله‌دی.
بریتانیا تشقی معلومات‌لر تشکیلاتی نینگ سابق رئیسی سیرالکس یانگ نینگ تلویزیونی بیر مصاحبهده ایتیشیچه، ناتو کوچلری افغانستاندن کامل صورتده چیقگنیدن سونگ، تروریستی شبکه‌لرنینگ فعالیت و تهدیدلرینی کوپه‌یشی ممکن. اونینگ ایتیشیچه، تروریستی گروه‌لر فعالیت‌لری کوپه‌یگن صورتده، ناتو عضوی بولگن مملکت‌لر اینیقسه بریتانیا نینگ تینچلیگی خطر بیلن روپه‌ره بولیشی ممکن.
سلام‌وطندار اوزبیک بولیمی‌نی فیسبوک‌ده تعقیب قیلینگ
عین‌حالده، سیاسی ایش بیلرمان‌لردن بیرقطاری نینگ ایتیش‌لریچه، بریتانیا اوشبو رسمی نینگ صحبت‌لری آرهسیده باشقه بیرقطار برنامه‌لر بار و اوشبو مملکت استخباراتی فعالیت‌لریگه زمینه یره‌تیش‌نی ایسته‌یدی.
سیاسی ایش بیلرمان‌لردن بیری جعفر مهدوی نینگ ایتیشیچه: « بریتانیا رسمی‌لرینی افغانستان خصوصیده خواطر بیلدیرگن‌لریگه شبهه‌لی من؛ چونکه اولر پرده آرقه‌سیده باشقه ایش‌لر انجام بیره‌د. فکرمچه بریتانیالیکلر افغانستانده، سیاسی، امنیتی و استخباراتی فعالیت‌لریگه زمینه یره‌تیش اوچون سعی و حرکت قیله‌دی.»
سلام‌وطندار اوزبیک بولیمی‌نی فیسبوک‌ده تعقیب قیلینگ
سیاسی ایش بیلرمان‌لردن باشقه بیری آصف آشنا نینگ ایتیشیچه، بیرقطار مملکت‌لر اوزلری نینگ خوفسیزلیکلری خطر بیلن دوچ کیلیشیدن خواطرگه دیر. اونینگ ایتیشیچه، مذکور مملکت‌لر افغانستان توپراغی دن تروریستی هجوم آستیگه قرار تاپیش‌لریدن خواطرگه دیر.
چیت‌ایللیک کوچلرنینگ افغانستاندن چیقیش جریانی باشلنگنیدن سونگ، مملکتده طالبان نینگ هجوم‌لری شدت‌لنگن و شونینگدیک، القاعده شبکه‌سی نینگ فعالیت‌لری باشله‌نیشی خصوصیده خواطرلر کوپه‌یگن.