افغانستانده سوز ایرکینلیگی و رسانه‌لر، سونگی ایکی دهه نینگ اونملی یوتوقلریدن حسابلنه‌دی. شونده‌ی بیرحالده، خبرچیلردن محافظت قیلووچی کمیته (CPJ) ینگی‌لیکده بیر گزارش ترقه‌تیب ایتیشیچه، حاضر افغانستانده رسانه‌لر وضعیتی خواطرلنتیرووچی دیر.
مذکور گزارش اساسیده، افغانستان رسانه‌لری ایکی دهه‌دن کیین، ینگی قیین مرحله‌‌لر گه کیرگنلر. شونده‌ی بیرحالده، افغانستانده رسانه‌لر و خبرچیلردن حمایت قیلووچی نهادلر مسئوللری نینگ ایتیش‌لریچه، اسلامی امارت نینگ استخباراتی نیچه مرته رسانه‌لر نینگ نشراتی گه مداخله قیلیب و شونینگدیک رسانه‌لر مسئوللری بیلن نادرست رفتار قیلگنلر.
بیزلرنینگ فیسبوک صحیفه‌میزگه باش اورینگ!
افغانستان خبرچیلر فدراسیون اعضاسی سیدعلی اصغر اکبرزاده نینگ ایتیشیچه، اولر نیچه مرته خبرچیلر حقوقی‌دن دفاع قیلیش اوچون اسلامی امارت استخباراتی برابریده توخته‌ب و خبرچیلر حقوقی‌دن دفاع قیلگنلر.
باشقه بیر تاماندن، افغان خبرچیلر مصونیت کمیته‌سیده خبرچیلر نینگ دوسیه‌لری نی تیکشیرووچی مسئولی جمیل وقار نینگ سلام‌وطندار گه ایتیشیچه، حکومتی و رسانه‌لیک ساختار بولمه‌گنی، رسانه‌لرنینگ مالی قیین‌چیلیگی و افغانستانده معلومات گه قول تاپالمسلیک، رسانه‌لر و خبرچیلر نینگ اصلی قیین‌چیلیکلریدن دیر.
بیزلرنینگ توییترده هم تعقیب قیلینگ!
بوتوغریده اسلامی امارت مسئوللری نینگ فکری نی آلیش ایسته‌دیک؛ بیراق کیین‌مه کیین قونقیراغ بیلن موفق بولمه‌دیک. ایتیش کیره‌ک که، بوندن آلدین چیگره‌سیز گزارشگرلر افغانستان رسانه‌لر و خبرچیلری نینگ وضعیتی خصوصیده خواطر بیلدیرگن ایدیلر.
