«آزادلیک و تینچ‌لیک اوچون افغان عیال‌لری» مؤسسه‌سی ۶-صنف‌دن یوقاری قیزلر نینگ مکتب‌لری یاپیق قالیشی گه عاید اسلامی امارت معارف وزیرلیگی نینگ قراریدن تنقید قیلیب ایتیشلریچه، «اسلامی امارت قیزلر نینگ مکتب‌لرینی باغلش اوچون منطقی دلیل‌لری یوق و قیزلر نینگ تعلیمی سیاست قربانی بولمسلیگی کیرهک.»
آزادلیک و تینچ‌لیک اوچون افغان عیال‌لر نهادی نینگ اورین باسری تورپیکی مومند، مکتب گه باریش اوچون قیزلر گه رخصت بیریلمسلیک‌نی، تعلیم برابریده بویوک جفا دیب ایتیشیچه، تعلیم بوتون قیزلر و اوغیل باله‌لر نینگ حقی دیر.
بیزلرنینگ فیسبوک صحیفه‌میزگه باش اورینگ!
اونینگ ایشانچی گه کوره، آلتینچی صنف‌دن یوقاری قیزلر گه مکتب باریش اجازه‌سی بیریلمسلیگی، اسلامی امارت نینگ اهالی ودنیا جماعه‌چیلیگی آلدیده ایشانچ سیز قیله‌دی. بانو مومند نینگ اورغولشیچه، تعلیم سیاست قربانی بولمه‌سین و اسلامی امارت تیزلیک بیلن بوتون قیزلر نینگ مکتب باریشلری اوچون اجازه بیریشی کیرهک.
۶-صنف‌دن یوقاری قیزلر مکتب‌لری نینگ یاپیق قالیشی گه دایر اسلامی امارت معارف وزیرلیگی نینگ قراری، اوقووچیلر نینگ خواطری و ناراضی‌لیگی بیلن روپهرو بولگن.
مذکور ییغین‌ده ۱۱- صنف اوقووچیسی شگوفه نینگ ایتیشیچه، اسلامی امارت بیرگن وعده‌لری گه عمل قیلمه‌ی، قیزلر گه مکتب باریشلری اوچون رخصت بیرمه‌گن. اونگه کوره، اسلامی امارت معارف وزیرلیگی قیزلر گه تعلیم آلیش حقینی بیریش وقتی کیلگن.
شونینگدیک اوقووچیلر نینگ ایتیشلریچه، قیز اوقووچیلر یوزیگه مکتب دروازه‌سی نی باغله‌ماق، افغانستان وضعیتی نینگ یخشی‌لنیشی خصوصیده، اولرنی ناامید قیله‌دی.
بیزلرنینگ توییترده هم تعقیب قیلینگ!
بو توغریده اسلامی امارت معارف وزیرلیگی نینگ فکرینی اورگه‌نیشنی ایسته‌دیک؛ بیراق اوشبو وزیرلیک سوزلاوچیسی سوراق‌لریمیز گه جواب قیتیرمه‌دی.
شونده‌ی بیرحالده، مکتب‌لر آیلر یاپیق قالگنیدن کیین، اسلامی امارت معارف وزیرلیگی تعهد‌لری گه قرشی قیزلر گه مکتب باریش اوچون رخصت بیرمه‌دی و بو مورد خلق‌ارا و ایچی عکس العمل‌لر بیلن روپهرو بوگن.