افغانستان بوییچه بیرلشگن ملتلر تشکیلاتی نینگ اورین‌باسرلیک هیأت دفتری یا-ده یوناما نینگ ایتیشیچه، میلادی ۲۰۲۱- ییل نینگ بیرینچی اوچ آیی ده مملکتده تینچ‌اهالی تلفات میزانی ۲۹ فایز کوپه‌یگن.
بوگون (چهارشنبه ۲۵- حمل) افغانستان ده بیرلشگن ملتلر تشکیلاتی نینگ اورین‌باسرلیک هیأت دفتری بیر گزارش ترقه‌تیب ایتیشیچه، میلادی ۲۰۲۱- ییل بیرینچی اوچ آیی ده هلاک و یره‌لنگنلر سانی اوتگن ییل بیرینچی اوچ آیی گه نسبتن کوپه‌یگن. یوناما نینگ گزارشی اساسیده، ۲۰۲۱- ییل نینگ بیرینچی اوچ آیی ده مملکتده بیر مینگ و ۷۸۳ کیشی هلاک و یره‌لنگن. بولردن ۵۷۳ ته‌سی هلاک و باشقه بیر مینگ و ۲۱۰ ته‌سی ایسه یره‌لنگن.
یوناما تینچ‌اهالی تلفات میزانی یوقاری کیتگنیدن خواطر بیلدیریب ایتیشیچه، جاری میلادی ییل ده عیاللر تلفات میزانی ۳۷ فایز و باله‌لر تلفات میزانی ایسه ۲۳ فایز کوپه‌یگن. مذکور نهاد تینچ‌اهالی تلفات میزانی یوقاری کیتگنی نینگ دلیلی نی، ییر اوروش‌لری، جایلشتیریلگن پارتلش ماده و ریجه‌لنگن قتل‌لر دیگن.
یوناما نینگ گزارشی اساسیده، تینچ‌اهالی نینگ کوپینچه تلفاتی نی عاملی دولت گه قرشی قوراللی کیشیلر ایکن. یوناما نینگ کوپه‌یتیریشیچه، جاری میلادی ییل نینگ بیرینچی اوچ آیی ده تینچ‌اهالی تلفاتی نینگ عاملی ۶۱ فایز امنیتی کوچلر و ۲۷ فایز ایسه دولت گه قرشی قوراللی کیشیلر دیر.
افغانستان تینچلیگی بوییچه بیرلشگن ملتلر تشکیلاتی باش کاتبی نینگ خاص نماینده‌سی دیبرا لاینز، تینچ‌اهالی تلفاتی اینیقسه عیاللر و باله‌لر تلفاتی نینگ آزارلنتیرووچی دیب و اوروش تامان‌لریدن مذکور زوروانلیکلر یکونله‌نیشی اوچون تیز بیر یول تاپیش‌لرینی سوره‌گن.
افغانستان ده بیرلشگن ملتلر تشکیلاتی نینگ اورین باسرلیک هیأت دفتری گه کوره، میلادی ۲۰۲۰- ییل سپتامبر آیی ده تینچلیک سوزلشوولری باشلنگنیدن بویان تینچ‌اهالی وضعیتی یخشیلنیشی اوچون امیدوارلیکلر کوپه‌یگن ایکن، بیراق افغانستانلیکلرارا سوزلشوولر باشلنگنیدن کیین زوروانلیکلر ینه بیر مرته کوپه‌یب و زوروانلیکلر کمه‌یشی اوچون ایکی تامان ایسه کیلیشمه‌دی.
دیبرا لاینز نینگ کوپه‌یتیریشیچه: «تینچلیک اوچون هر بیر فرصتدن فایده‌لنیش کیره‌ک. زوروانلیکلر میزانی تیزلیککه کمه‌یمه‌گن صورتده، ۲۰۲۱- ییل ده مینگ‌لرچه تینچ‌اهالی نینگ اولیشی دوام تاپیشی ممکن.»
