افغانستان سوداگرلیک و سرمایه‌یاتقیزووچی اتاق مسئوللری آمریکا جمهور رئیسی جو بایدن نینگ افغانستان موزلنگن پولی ذخیره‌لری آزاد بولیشی و اونینگ انسانی یاردم و ۱۱_سپتامبر هجوملریده قالگنلرگه غرامت توللش اوچون اختصاص بیریلگنی خصوصیده‌گی صادر بولگن بویروغی گه عکس‌العمل کورسته‌تیب و ایتیش‌لریچه، مذکور بویروغ مملکت خصوصی سکتوری گه شدتلی شکلده زیان ییتیشتیریشی ممکن.
مذکور نهاد مسئوللری بوگون کابل‌ده خبری بیر ییغین یولگه قویش بیلن کوپه‌یتیریش‌لریچه، افغانستان پوللری کامل شکلده آزاد بولمه‌گن صورت‌ده، مملکت خصوصی بولیمی کوپینچه قیین‌چیلیک بیلن روپه‌رو بولیشی ممکن.
افغانستان سوداگرلیک و سرمایه یاتقیزووچی اتاق ریاست رئیسی محمد‌یونس مومند، اوشبو ییغین‌ده آمریکا جمهور رئیسی جو بایدن نینگ سونگی بویروغی خصوصیده فکری تغییر بیریشی نی سوره‌گن. اونینگ ایتیشیچه، بیر مملکت پولی ذخیره‌لری نی باشقه بیری نینگ اختیاری گه قرار بیریش اوچون هیچ بیر مرجع نینگ حقی یوق.
سوداگرلیک و سرمایه یاتقیزووچی اتاق مسئوللری گه کوره، افغانستان موزلنگن پوللری اوشبو مملکت نینگ حمایت قیلووچی‌سی دیر که ۲۰ ییلدن بیری ذخیره بولگن و افغانستان یشاوچیلری گه تیگیشلی دیر.
ایتیش کیره‌ک که، آمریکا جمهور رئیسی جمعه کونی افغانستان موزلنگن پوللریدن ۷ میلیارد دالری نینگ اجرایی بولیش یوروغی نی امضا قیلدی که اونینگ اساسیده، اوشبو پول نینگ ۳.۵ میلیاردی۱۱_سپتامبر هجوملریده قالگنلر گه و باشقه ۳.۵ میلیاردی ایسه افغانستان گه انسان‌دوستلیک یاردملر گه اختصاص بیریلگن.