آمریکا قوشمه ایالت‌لری نینگ ارتش مرکزی قوماندان‌لیگی یا سنتکام قوماندانی فرانک کنت مک‌کنزی، افغانستان‌ده داعش گروهی نینگ فعالیتی کیله‌سی یاز موسومیده کوچه‌یشیدن آگاه لنتیرگن.
او اوتگن کونی آمریکا نینگ سنا قورالی کوچلر کمیته‌سیده ایتیشیچه، افغانستان نینگ وقتینچه‌لیک حکومتی اوشبو مملکتده داعش گروهی‌نی سرکوب ایتیش مقصد تلاش قیلماقده و یاز موسومی آی‌لری یقینلشی بیلن داعش هجومی کوچه‌یشی کوتیله‌دی.
بیزلرنینگ فیسبوک صحیفه‌میزگه باش اورینگ!
آمریکا ارتش مرکزی قوماندان‌لیگی نینگ قوماندانی گه کوره: «اسلامی امارت داعش اوستیگه اورغو کیلتیریش مقصد تلاش قیلماقده، لیکن اولر بو ایشنی عملی قیلیشگه قیینچلیکلری بار.» مک‌کنزی نینگ ایتیشیچه، افغانستان‌ده قیش موسومی یکونلشی و تابستان آی‌لری کیریشی بیلن، افغانستان‌ده داعش اوز هجوم‌لرینی کوچه‌یتیریشی ممکن.
فرانک کنت مک‌کنزی، افغانستان بویلب داعش گروهی کوچه‌یشیدن خواطر بیلدیریب، آمریکا قوشمه ایالت‌لری اوشبو گروه گه قرشی باسیم‌لری گه دوام بیرمه‌گن تقدیرده بو گروه مستحکم‌لنیشی ممکن دیه تأکید ایتگن. داعش اوتگن آی‌لرده، کابل شهری‌ده بیر قطار هجوم‌لرنی اویوشتیریش گه قادر بولدی دیب اورغوله‌یدی مک‌کنزی.
شونینگدیک سنتکام قوماندانی نینگ ایتیشیچه، آمریکا افغانستان‌نی ترک ایتیشی بیلن، اوتمیش‌لر گه نسبتن داعش جنگری‌لرینی قیدیرو قیینلشگن، بیراق شو بیلن هم «اوشبو گروه تندرولری نینگ قیدیریش نا ممکن ایمس دیر.»
بیزلرنینگ توییترده هم تعقیب قیلینگ!
بوندن آلدین، پنتاگون رسمی‌لریدن قطاری، داعش گروهی، کیلگوسی ۶ آی‌ده غرب گه تروریستیک هجوم‌لرینی اویوشتیریش گه قادر بولیشیدن آگاه لنتیرگن ایدی. لیکن آمریکا قوشمه ایالت‌لری نینگ استخبارات پیش‌بینلیکلری اساسیده، داعش محتملاً کیله‌سی ۱۲ آی‌دن ۱۸- آی‌گچه افغانستان نینگ وضعیتی گه بناً بو کبی هجوم‌لرنی اویوشتیریشی ممکن.
اوشبو خواطرلر عین‌حالده آچیقلنماقده که اسلامی امارت نیچه مراتبه افغانستان‌ده داعش و باشقه تروریستیک گروه‌لر نینگ فزیکی حضورینی رد قیلیب و داعش افغانستان اوچون جدی خطر بولمسلیگینی تأکید ایتگن‌لر.
