آمریکالیک دیپلماتلر تینچ بیر شکلده چیقیشی اوچون، اوچ مینگ آمریکالیک حربیلرنینگ بیرینچی گروهی کابل کیلیب و بو شهرنینگ قونالغهسیده جایلشگن. کیلگوسی بیر یا ایکی کون گچه افغانستان گه کیلهدیگن حربیلرنینگ کیلیشیدن مقصد، آمریکالیک و دیپلماتلر و اولرنینگ افغان همکارلری نینگ چیقاریش پروسهسینی تیزلشتیریش دییلگن.
ناتو اوتگن کون افغانستان وضعیتی توغریسیده خاص بیر ییغین اوتکزدی. ناتو مذکور ییغین اداغیده بیر بیانیه نشر قیلیش بیلن ایتیشیچه، مذکور تشکیلات اوروش میدانیدهگی اوزگریشلیکلرنی تیکشیریش گه دوام بیرهدی و افغانستان رسمیلری و دنیا جماعهچیلیگی بیلن دایم علاقه گه دیر.
هرات ولایتی کینگش اعضاسی غلامحبیب هاشمی نینگ سلاموطندارگه ایتیشیچه، بوگون توشدن آلدین طالبان نمایندهلریدن قطاری بو گروه قومندانلریدن بیری ملاحیدر رهبرلیگیده، ۲۰۷ ظفر قولاردو قومندانلیگیده محمداسماعیل خان شامل امنیتی ییریک رسمیلر بیلن بیر ییغین اوتکزگن.
طالبان اوتگن کوندن بویان ۵ ولایت مرکزی نی نظارت گه آلگن. منبعلرنینگ سلاموطندارگه ایتیشلریچه، طالبان اوتگن کوندن بویان هرات، قلعهنو، فیروزکوه، لشکرگاه و قندهار شهرلری نینگ نظارتگه آلگن.
دولتی رسمیلر بو شهرلرنینگ نظارتگه آلینگنی توغریسیده حاضرگچه هیچ بیر نرسه دیمهگن.
رویترز خبرگزارلیگی ترکیه مدافعه وزیرلیگیدن نقل قیلیب گزارش بیرگن که، کابل قونالغهسی تعطیل بولگن صورتده، مملکتلرنینگ دیپلماتیک نمایندهلرینی بوتونلی چیقیشی نی احتمالی بار. اونینگ ایتیشیچه، شو یوزهدن ترکیه بو قونالغه نینگ آچیق قالیشی اوچون سعی و حرکت قیلماقده.
ایچکی ایشلر وزیرلیگی سوزلاوچیسی میرویس استانکزی نینگ ایتیشیچه، مذکور وزیرلیک ایچکی خوفسیزلیک پولیس کوچلری، غزنی حاکمی محمدداوود لغمانی و اونینگ اورینباسری نی میدانوردک مرکزی میدان شهریدن اوشلب آلگن.
عین حالده، بوگون ایرتهلب غزنی حاکمی نینگ رسملری اجتماعی ترماقلرده چیقدی که والی غزنی ولایتی نی قوییب و کابل تامان حرکت قیلماقده.
نمایندهلر کینگشی ده فراه ملت وکیلی همایون شهیدزاده نینگ سلاموطندارگه ایتیشیچه، اوتگن کیچه مذکور ولایت حاکمی مسعود بختور و بو ولایت شهرداری کمیده ۱۰۰ عسکر و مردمی خیزش کوچلری بیلن طالبان گه تسلیم بولگنیدن کیین، امنیتی کوچلرنینگ نظارتیدهگی یالغیز لوا مذکور گروه نظارتی گه اوتگن.
حمید خراسانی پنجشیر ده طالبان بیراغی بیلن امنیتی پوستهلرگه هجوم قیلگن. پنجشیر ولایتی عنابه تومنی نینگ «تاواخ» منطقه یشاوچیلریدن قطاری نینگ سلاموطندارگه ایتیشلریچه، ناقانونی قوراللی کیشیلرنینگ رهبرلریدن بیری حمید خراسانی آدملری بیلن تاواخ ده مردمی مقاومت کوچلری نینگ پوستهلری اوستیگه هجوم قیلگن.
آزادی پارکیده یمان وضعیتده تیریکچیلیک قیلهدیگن یوزلرچه عایلهلر اوروش و قیغولریدن حکایه قیلهدیلر.
آواره بولیب آزادی پارکیده کیلگنلردن بیری عبدالمالک دیر. اوشبو دواملی اوروشلر سبب اوی و داراییلرینی قولدن بیریب و کوزی هم کور بولگن.
مملکت شمالی و شمالی شرقی ولایتلریده امنیتی کوچلر و طالبان گروهی آرهسیدهگی آتیشمهلر باعث، یوزلرچه یشش اوی تخریب و مینگلرچه کیشی ایسه آواره بولگن.
مذکور آوارهلردن کوپینچهسی حاضر کابل شهری نینگ سرای شمالی و شهرنو پارکی ده حیات کیچیریب کیلماقده.
مملکت شمال و شمال شرق ولایتلری نینگ کوپینچه بولیمی طالبان نظارتی گه اوتگنیدن کیین، جمهوررئیس ایکینچی مرته بلخ ولایتی گه سفر قیلدی. مذکور سفر صورت تاپگن بیرحالده، بوندن آلدین جمهوررئیس مملکت سیاسی رهبرلریدن قطاری بیلن صحبت اوتکزگن ایدی.
جوزجان و سرپل یشاوچیلریدن بیرقطاری نینگ ایتیشلریچه، اوشبو ولایتلر طالبان نظارتیگه اوتگنی دن سونگ، شهر تینچلیگی برهم اوریلگن و بو ایکی ولایت یشاوچیلری امنیتی کوچلر و طالبان آرهسیده قیتهدن آتیشمه یوز بیریشیدن خواطرگه دیرلر.
دولتی کوچلر ۴۸ ساعت آتیشمه اوتکزگندن کیین اوتگن کون شام چاغی، بغلان مرکزی پلخمری شهری نینگ ترک قیلیب و کیلهگی منطقهسیدهگی حربی کوچلرنینگ اوچینچی لواسیده جایلشگن. نمایندهلر کینگشی ده بغلان ملت وکیلی نوریه حمیدی نینگ ایتیشیچه، پلخمری شهری سیاسی بیر معامله نتیجهسیده طالبان گه تاپشیریلگن.
آمریکا جمهوررئیسی جو بایدن نینگ ایتیشیچه، افغانستان ده حاضر هم وضعیت اوزگریشی و طالبان نینگ مغلوب بولیشی نینگ امکانی بار و افغانستان رهبرلری بیر بولیب و بو مملکت امنیتی و مدافعه کوچلری اوزلری و ملتلری اوچون کورهشیشلری کیرهک. آمریکا جمهوررئیسی اوتگن کون خبری بیر ییغینده بوندهی بیانات بیرگن.
فراه ولایتی کینگش مسئوللری نینگ ایتیشلریچه، طالبان مذکور ولایت مرکزیده کینگ هجوم یولگه قوییش بیلن فراه شهری نینگ کوپینچه بولیملرینی نظارت گه آلگن.
فراه ولایتی کینگش اورینباسری خیرمحمد نورزی نینگ سلاموطندارگه ایتیشیچه، طالبان اوتگن کون شامدن بویان فراه شهری نینگ شمال و غربیدن بو شهر اوستیگه هجوم قیلگن.
آنهلر و آتهلر بالهلری نینگ تنهسیگه بولگن یالغیز کییملری بیلن اوق و آتیشمه آستیدن چیقیب کابل شهری گهقدر کیلگنلر.
اوروشلر سبب، آواره بولگنلر حاضرده کابل پارکلری و آچیق فضالریده یمان بیر وضعیتده حیات کیچیرهدیلر و تیریکچیلیک قیلیش اوچون چادرلری و ییگولیک مادهلری یوق دیر.
